Шочмо марий кундемжым моктышо кумдан палыме совет да руш писатель, исторический да фантастический роман-влакын авторжо, драматург да журналист — чыла тиде Аркадий Степанович Крупняков нерген. Тудо Советский районысо Чкарино селаште кресаньык ешеш шочын. Икымше произведенийже — «Белые ночи» приключений повесть, а вара исторический роман-влак шочыныт: «Царёв город», «Лада», «Марш Акпарса», «Гусляры», «Есть на Волге утёс», «Амазонки» фантастический романже XX-шо курымын 80-ше ийлаштыже  марий лудшо-влак коклаште веле огыл, тыгак вес кундемлаште илыше-шамыч коклаштат бестселлерыш савырнен. Писательын шочмыжлан 100 ий теммыж вашеш краеведений да периодика пӧлкаште книга ончерым вераҥдыме. Тушко Аркадий Сергеевич Крупняковын творчествыж дене палыме лияш кумылан-влакым пагален ӱжына.

---