Шыже пагыт, кунам йырваш шӧртньӧ лышташ кия, а кече эше ырыкта -«Умничка» йоча клублан почылташ сай жап. 9 сентябрьыште самырык лудшо-шамыч «Шыже чия» модмо шагатын участникше-влак лийыныт.

Йоча-влак кугу кумыл дене шыже нерген почеламут-влакым колыштыныт, йодыш-влаклан вашештеныт, тушто-влакым туштеныт, а шыже кожласе изи аланыште «коштмышт» да  лышташым погымышт годым пален налыныт, молан шыжым тӱрлӧ тӱсан маныт. Ӱстелысе курчак театр йоча влаклан  кожла янлык-шамычын: виян мераҥ, пашазе шоҥшо, полмезе ур да ушан маскан модмыштым ончыктен.  Нуно кузе йӱштӧ телылан ямдылалтмышт нерген каласкаленыт.

  Йоча-влаклан «Кече да йӱр» модыш моткоч келшен, нуно уло кумыл ден пакчасаскам да емыжым погеныт, а эн чот «ю»- олма-влак ушеш кодыныт. Нуным йоча-влак тӱрлӧ тӱсан кагаз гыч шкешт ыштеныт, тамле, лӧза саскаш савыреныт.

  Ме  йоча-влакым да нунын ача-аваштым  «Умничка» клубыш жапым оҥай эртараш пагален ӱжына .

Ончылгоч возалташ телефон: 34-15-12

 

---