Сеҥымаш пайрем мыланна — эн шерге пайрем. Ме шарнышаш улына, кӧ шочмо эл верч лӱддымын кредалын. Палышаш улына пагалыме ветеран-влакнам, вет нуно огыл гын, векат, ме ты тӱняште она лий ыле. Тиде кече уло тӱнялан урок лийын кодеш: сар — тиде шучко, тудо пӧртылшаш огыл.

4 майыште мемнан книгагудышто Сеҥымаш кечылан пӧлеклалтше «Могай сай тӱняште сар дечын посна!» Республиканский лудмо конкурс эртен. Шке мастарлыкыштым йочасадыш коштшо икшыве ден изирак класслаште тунемше-влак тергеныт. Конкурсыш чылаже 150 йодмаш пурен. Вашлиймашыште В. Степановын, С. Маршакын, С. Михалковын, Э. Асадовын, М. Владимовын, А. Усачевын, Л. Тассин да моло поэт-влакын сар нерген почеламутышт йоҥгалтыныт. 

Йоча-влакын лудмыштым жюри аклен. Тушто лийыныт:

-Подольский Анатолий Анатольевич, писатель, поэт, Россий писатель-влак ушемын еҥже;

— Веселов Алексей Анатольевич, Россий мер ушемын Республикысе пӧлкажын вуйлатышыже;

— Коробейников Сергей Ильич, йоча писатель, Россий писатель-влак ушемын еҥже;

— Кулалаева Жанна Васильевна, йоча поэтесса, «Свеча» усталык клубын вуйлатышыже;

— Фербер Иван Петрович, ветеран-влакын ракетный дивизий ушем еҥ, подполковник;

— Созинов Вениамин Николаевич, Йошкар- Оласе авиационный гарнизонысо ветеран-влак мер ушемын вуйлатышыже.

Жюри тыгерак аклен:

«Йочасадыш коштшо-влак» тӱшка:

1 вер — Лучинина Варвара ( 2-шо №-ан «Облачко» йочасад, Йошкар-Ола).

2 вер – Яманаева Елизавета (23-шо №-ан «Колосок» йочасад, Йошкар-Ола).

3 вер – Семенова Екатерина ( №11-шн №-ан «Гнездышко» йочасад, Йошкар-Ола).

«Изирак класслаште тунемше-влак» тӱшка:

1 вер — Мальченко София (28-ше №-ан лицей, Йошкар-Ола).

2 вер – Мальченко Анастасия (№ 28-ше №-ан лицей, Йошкар-Ола).

3 вер – Кузьмина Юлия (17-ше №-ан школ, Йошкар-Ола).

Кумылаҥдыше пӧлекым налыныт:

-Тарасов Дмитрий ден Южанинов Никита (Сурокысо «Солнышко» йочасад)

-Смородинов Денис (31-ше №-ан «Радуга» йочасад)

Посна пӧлекым«Инфосфера» компьютер школ деч Дмитрий ден Анастасия Прозоровмыт налыныт.

Тӱҥалтыш класслаште тунемше чыла йоча-влак «Инфосфера» компьютер школышто тунемаш сертификатым налыныт.

Чыла сеҥыше-влак диплом ден пӧлекым , участник-влак сертификатым налыныт.

Ме кугу таум ойлена йолташ да партнёр-влаклан: «Инфосфера» компьютер школлан, Курчак театрлан, Т. Евсеев лӱмеш калыкле тоштерлан пӧлекым ыштымыштлан.

---