Мемнан олана ий гыч ийыш сылнештеш, у памятник, сквер да парк-влак почылтыт. Нуно чыланат мемнан кундемнан историйже дене кылдалтыныт. Тидым шкенжым пагалыше кажне айдеме палышаш. 2-шо номеран школын 6-шо ден 7-ше класслаштыже тунемше-влак оҥай виртуальный экскурсийым эртеныт, лишкырак тӱрлӧ памятникла дене палыме лийыныт. Йоча-влаклан палаш пайдале ыле, мутлан: молан Александр фон Келлерын памятникше ондак Изи Какшанын серыштыже лийын гын, ынде мемнан книгагудо пелен верланен?
Йошкар-Олаштына шкешотан ятыр памятник уло. Мутлан, «Иисус да латкок апостол» лӱман Башньысе шагат. Российыште икымше гана тиде скульптур композицийыште тарванылше элемент-влак кучылталтыныт. Тӱняште куклан шагат-влак шукын улыт, но тыгай кугытан кукло-влак мемнан дене веле. Ынде йоча-влак, памятник воктеч эртымышт годым, нуным вес семын аклаш тӱҥалыт.

А те виртуальный  экскурсийым ынеда ончо? Тугеже ме тендам вучена!

Мемнан тел. 34-15-12. Яра пуртена!

---