Руш календарьыште ӧрыктарыше дате уло — Ильи Муромецын кечыже. Тудо 1 январьыште палемдалтеш. Тиде кечын шочмо мландылан вуйым савен, тудын патырже-влакын данле подвигыштым шарналтат.

2018 ийын икымше кечылаштыже  1-6 класслам обслуживатлыше секторышто «Руш мландын патырже-влак» ончер-кроссвордшо почылтын. Самырык лудшо-влаклан да нунын ача-аваштлан  Илья Муромец да моло патыр-шамыч нерген, нунын геройло пашашт нерген книга-влакым вераҥдыме. 

Тылзе жапыште йоча-влак акрет руш мландын историйже нерген каласкалыше савыктышла дене палыме лийыт, оҥай ойлымаш, преданий-влакым лудын, «Руш патыр-влак» лӱман кроссвордлан вашмутым муын кертыт. Эн ондак чын вашмутым пуышо кок лудшылан пӧлекым ямдылыме!

Кумылан-влакым 203 -шо пӧлемыш пагален ӱжына!

 

---