Кажне ийын У ий вашеш мемнан книгагудышто у ий модышым ыштыме конкурс эрта. Тений тудо 2018 ийын символжылан — Пийлан — пӧлеклалтын.

Конкурсышто тӱрлӧ ийготан йоча-влак шке моштымашыштым тергеныт. Нуно макраме, пидме, ургымо модыш-шамычым, тыгак пу, кагаз, папьемаше, аппликаций йӧным кучылтыныт. Конкурсыш 300 утла паша пурен.

Жюрилан паша-влакым аклаш куштылго огыл ыле. Вет чыла модышат сӧрал, шкешотан лийын.

Туге гынат сеҥыше-влакын лӱмышт пале лийын!