Книгагудышто Йоча книга арня тӱҥалын. Тудым кумдан палыме йоча писатель, «Когда папа рядом» книган авторжо Ольга Кузнецова дене вашлиймаш почын. Книгам лудаш йӧратыше йоча-влак ача-авашт дене пырля  у сборник гыч ойлымаш-влакым  колыштыныт, авторлан ятыр йодышым пуэныт да оҥай викториныш ушненыт. Изи участник-влакым пӧлек-шамыч денат  куандарышт.

Кугыеҥ-влак еш дене пырля жапым эртарыме, еш дене лудмо да ешыште икте-весым умылымо куан нерген чон гыч лекше мутланымашым книга-влакын юзо вийышт гоч акленыт. А йоча-влак тиде жапыште модыныт да веселитленыт, нунылан пайрем программым, мастер-классым да выставке обзорым ямдылыме. Тиде тӱҥалтыш веле! Кажне кечын книгагудын лудшыжо-влакым поян программе вуча. Библиотекыш пагален ӱжына!