Пагалыме лудшо-влак! «Палыме лийына!» II-шо Республиканский дистанционный конкурсым увертарена. Тудо марий поэт-новатор Валентин Христофорович Колумбын творчествыжлан пӧлеклалтын. Валентин Колумб марий сылнымутышто мондалтдыме кышам коден. Поэтын лирике тӱняже айдеме чонын эн вичкыж кылжым тӱка. Тиде конкурс Республикысе йоча ден самырык-влакын творческий вий-куатыштым Валентин Христофоровичын творчествыжым пойдарыме гоч почын пуаш полшышаш. Дистанционный Конкурсын участникше-влак дошкольный образовательный учрежденийласе кугурак да подготовительный группо-влакын воспитанникышт, школлаште, гимназийлаште, лицейлаште, ешартыш образованийым пуышо учрежденийлаште тунемше, Марий Эл Республикысе кыдалаш специальный да кӱшыл учебный заведенийлаште тунемше студент-влак лийын кертыт. Конкурс 2026 ий 2 март гыч 3 май марте кум этап дене эрташ тӱҥалеш:
1) конкурс паша 2026 ий 2 март гыч 3 апрель марте налалтеш. Пуымо йодмаш-влак негызеш участник-влакын иктешлыше спискышт чумыралтеш.
2) 2026 ий 6 гыч 10 апрель марте Жюри Конкурсыш ушнышо-влакын усталык пашаштым акла.
3) 2026 ий 13 гыч 26 апрель марте Книгагудын сайтыштыже (https://rubcolumba.ru/) «приз зрительских симпатий» номинацийыште виш онлайн – йӱклымаш эрташ тӱҥалеш. Конкурсант-влакын пашаштым ийгот шот дене кум категорийыште аклаш тӱҥалыт: изирак тӱшка — 6 гыч 10 ияш марте; кокла тӱшка — 11 гыч 15 ияш марте; кугурак тӱшка — 16 гыч да кугурак. Конкурсыш ушнашлан 2026 ий 3 апрель марте Йодмашым возыман да тушко выступленийым возыман видеофайлым пижыктыман.
Кумданрак Положении Конкурсын Положенийыштыже (обязательно лудман!)
Таумутым налашлан заявке (doc-файлым ончыман )
Телефон: 8 (8362) 34-15-12, +7 (962) 588-70-67 Джуманова Оксана Викторовна
