Шукерте огыл, 14 сентябрьыште, тале поэт да кусарыше Григорий Михайлович Кружковлан 80 ий темын! Тудын творчествыштыже посна верым йоча литератур налеш, Григорий Михайлович — шкешотан да пӱсӧ уш-акылан почеламут ден йомак-влакын авторышт, нуно эре гаяк весела да эре-кызытсе жаплан келшыше улыт. Книгагудын лудшыжо-влак тиде чапле писательын творчествыж дене палыме лийыныт, «Шокшысо ӧрмаш» сылнымут мозаикыш миен коштыныт.

Йоча книгаже-влаклан тудо ик гана веле огыл премийым да тӱнямбал наградым сулен. Мероприятийын участникше-влак писательын биографийже, илышыж гыч оҥай факт-влак дене палыме лийыныт. Рвезе-влак Ӧрыныт: Томск университетысе физический факультетым да аспирантурым тунем пытарыше, шанче пашам шуктышо, физикым кӱлынак шымлыше еҥ писатель, поэт да кусарыше лийын.

Г. Кружковын поэзий сборникше йоча-влакланат, нунын ача-аваштланат сайын палыме. «Здравствуй, корова!», «Посыпайте голову перцем!», «Ласточка», «Облако с крылечком» да моло книгамат самырык лудшо-влак йӧратен шынденыт. Йоча прозаик семын Кружков «Сказки медвежьи, одуванчиковые, совиные», «Рукопись, найденная в капусте: стихи и сказки», «Привидение, которое хрустел печеньем, и другие сказки-рассказки» изданий-влаклан кӧра палыме.

---