Пӱртӱс  айдемылан  пиалан лияшыже чыла йӧным ыштен. Пушеҥгым, чевер кечым, яндар вӱдым, ӱян мландым пуэн. Да мемнам — вияным, моторым, тазам, уш-акыланым. Айдеме пиалан лияш шочеш, шоналташ гын, тудын чоныштыжо осал шӱлышлан вер лийшаш огыл. Но южышт шке илышыштым наркотик дене пытарат.

Наркоманий дене кылдалтше преблемылан самырык коклаште «Иктешлыше вашмутым пуэна — наркотиклан «Уке!»агитационный плакат конкурсым увертарыме ыле. Тудо мемнан книгагудыштына 2017 ий 24 апрельыште тӱҥалтышым налын.

Конкурсышто Йошкар-Оласе общеобразовательный учреждений, тыгак республикысе районла гыч паша-влак пуреныт.
Плакат-влак таза илыш-йӱлам кучаш ӱжшӧ лийыныт. Нуно чыланат ик тӱҥ шонымашан улыт: ме шке илышнан сӱретчыже шкак улына, а тушто лач чевер т ӱс гына лийшаш улыт!
26 октябрьыште паша-влакын авторыштым палемден саламленыт. Теве нуно:
Верещагина Александра, 6-шо №-ан Морко общеобразовательный школ, 11 класс –I вер,
Маркелов Виталий, Йошкар-Оласе 17 -ше №-ан школ, 7 класс – II вер,
Егошина Юлия, г. Йошкар-Оласе 30-шо №-ан школ, 9 класс – III вер.

---