Шерге йолташ-влак!

Кажне ийын Энергосбережений да экологий Всероссийский фестиваль негызеш книгагудышто  #ВместеЯрче! лӱман йоча сӱрет конкурс эрта. Тудын тӱҥ шонымашыже  — пӱртӱс да энергоресурсым аралымаш, тудым аныклен кучылтмаш.

Кумылан-влакым #ВместеЯрче! Республиканский дистанционный йоча сӱрет конкурсыш  ушнаш пагален ӱжына.  Шке усталык пашаштыда – сӱрет я плакат лийже — йырым-йыр улшо пӱртӱсым, тудым кузе аныклаш лиеш манме шонымашым шыҥдарышаш улыда.

Конкурсыш йочасадысе, тыгак Марий Элысе тӱшка да ешартыш шинчымашым пуышо организаций-влакын тунемшышт ушнен кертыт. Ийгот — 6 гыч 12 ияш марте.   

Конкурсышто участвоватлаш авторлан/конкурс пашан вуйлатышыжлан  регистрационный формым  эртыман да паша файлым электрон форматыш (JPG, PDF) вераҥдыман. Паша-влакым 2025 ий 15 сентябрь гыч 15 октябрь марте колтыман.

Сеҥышым почмо йӱклымаш * ойыра. Тудо библиотекын сайтыштыже  2025 ий 13 — 29 октябрь жапыште лиеш.

Сеҥышын лӱмжӧ   2025 ий 30 октябрьыште  библиотекын сайтыштыже ончыкталтеш.

Конкурсын чыла участникше-влак электрон сертификатым налыт, а вуйлатыше-шамыч — Тауштыман серышым. Нуным 2025 ий 1 ноябрь гыч компьютер гоч лукташ лиеш.

Полыш телефон: 34-15-13

Регистрационный формо

*Шотыш налза: йӱклымаш плагиныште  ик IP гыч икмыняр гана але мемнан сайт дене пайдаланыше еҥ  ик гана деч шуко  йӱклен ок керт.

---