«Библиорепортер» цикл умбакыже шуйна. Черетан уна — кумдан палыме марий  драматург, писатель да журналист, Марий Эл Республикысе сымыктышын сулло пашаеҥже, Марий Эл Республикысе Кугыжаныш премийын лауреатше Геннадий Филимонович Гордеев. 5 июльышто тудо 65 ийым темен.

Геннадий Гордеев — «Омса вес велне» книган, «Ӧртӧмӧ он», «Болтуш», «Мый ом суко садак!» исторический трилогийын, пьес «Пӧртыл, ӱдырем!..», «Илаш гын, илаш…» да моло пьесе-влакын авторжо.

Тений шошым Марий самырык театрыште Геннадий Гордеевын «Валентин Колумб. Легенды, милые, прощайте!» пьесыж почеш шындыме спектакльын премьерыже эртен. Тудо  Валентин Колумбын илыш да творчествыжым архивный материал негызеш ятыр шымлен. Автор поэтын йыр улшо айдеме-влак кокласе мутланымаш гоч тудын кӧргӧ чон поянлыкшым ончыкташ шонен. Шонымашышкыже шуын мо? Колумбын образшым актер кузерак почын? Нине да моло йодыш-влаклан уста айдеме дене возымо интервью гыч палаш лиеш.

Геннадий Филимоновичым юбилей дене саламлена да усталык пашаштыже у кӱкшытым тыланена!

---