№76-шо йочасадысе икшыве-влак  К.Ушинскийын «Четыре желания» книгаже почеш сылнымут викториныште участвоватленыт. Мемнан пӱртӱсын  чыла пагытшат шкешотан, тӱрлӧ койышан, йоча-влакланат жапым эртараш йӧнан. Мероприятийыште икшыве-влак ятыр модыш дене модыныт: пуш-влакым колтеныт, пакча-саскам погеныт, лум чумырка дене модыныт, поҥго погаш коштыныт. Тыгак туштым туштеныт, кажне пагытын  шкенжын ойыртемже улмым пеҥгыдемденыт. Писатель К.Ушинскийын Митя лӱман геройжо семынак, йоча-влак иктешлымашым ыштеныт: пӱртӱсын кажне пагытше  мотор да ӧрыктарыше. Сай, кунам теле, шошо, кеҥеж да шыже икте-весыштым алмаштат. Тек нуно кажне ийын толыт да мемнам куандарат.

 

---