Иван Иванович Логинов (Осмин Йыван) — марий сылнымутышто келге кышам кодышо автор. Тений тудын шочмыжлан — 110 ий.   Поэтын лӱмгечыж вашеш краеведений да периодика пӧлемыште «Илышыже — поэзий» книжно-иллюстративный ончер почылтын .

Автор 2о утла книгам марий да руш йылме дене савыктен луктын. Тудын усталык пашаже сылнылык, келге образым кычал мумо дене ойыртемалтеш. Йыван Осмин — Э. Сапаевын «Акпатыр» икымше марий опержылан либреттом возышо автор-влак кокла гыч иктыже.  Марий поэзийым йӧратыше-влаклан ончер сай книга-влакым темла. Поснак  «Чон пытен мутланымаш» книга шерге. Тушко поэтын илыш корныж нерген возымым, серыш-влакым, поэтлан возымо почеламутым, шкенжын поэзий аршашыжым чумырымо.

Осмин Йыванын произведений-влакшым руш, чуваш, татар, башкир, мордва да моло йылмылашке кусарыме.

 

---