Книгагудышто «Шӱмыштӧ шарнымашым арален» йыргешке ӱстел эртен. Тудо самырык тукымым патриотизм шӱлышеш куштымо йодыш дене кылдалтын.

Тӱвыра, шанче тӧнеж, мер ушемын еҥышт Кугу Отечественный сарын да специальный военный операцийын талешкыштым шарныме пашам виктарыме шотышто шке опытышт дене палдареныт.

Йыргешке ӱстелын пашажым СВО ветеран-влак Ассоциацийын оласе пӧлкажым вуйлатыше Дмитрий Юрьевич Дубников почын. Тудын ойлымыжо шуко еҥын чонышкыжо логалын, вет тудо шкежат талешке радамыште.

Йоча да самырык-влакын шӱмыштышт элнан историйжым, шарнымашым аралаш, Руш Православный черкын сеҥымашым лишемдаш полшымыжо шотышто йодыш-влакым тарватыме. 

Марий Эл Республикысе сарзе еш Комитетын кундемысе штабын, «Россий ӱдырамаш Ушем» чумыр Российысе мер-кугыжаныш организацийын кундемысе пӧлкажын, «Сеҥымашын Волонтёржо-влак» пӱтынь Российысе толкынын   еҥышт, тыгак «Воскресение» студенческий поисковый отряд гыч шуктен толмо сомылышт дене пайлалтыч да кумылан-влакым шкешт деке ушнаш ӱжыч.

В.Х. Колумб лӱмеш Республикысе йоча да самырык-влаклан книгагудо  ден «Отечествым Аралыше-влак» Марий Эл Республикысе лӱмын ыштыме сарзе операцийын участникше-влаклан полышым пуымо Кугыжаныш фондын филиалже «Шке талешкет нерген каласкале» калык летописьым чумырымо пашашт нерген палдареныт. Тиде проектым ыштымылан ик ий эртен.

Книгагудылан сай пӧлекым — «Витязь пятого океана» книгам- кучыктеныт.  Авторжо — Совет армий офицер П.А. Бабочёнок.

---