Марий писатель Маргарита Ушакова — ойыртемалтше автор. Тудын произведенийже-влак илышын  тӱрлӧ шӧрынжым келгын чын ончыкташ тырша.

Тудын икымше сылнымут пашаже 1970-ше ийлаште тӱҥалын. 1978-ше ийыште «Ончыко» журналыште «Авамын куэже» ойлымашыже лудшо-влакым шкеж деке кӱлынак савырен.

Таче М. Ушакова чыла гаяк периодический изданийлаште,  «Эрвий», «Литера», «Дружба» сылнымут журналлаште савыкталтеш. Ойлымаш ден повестьлаште автор геройын чон келгытшым утларак ончыкташ тырша.

Маргарита Тимофеевна Ушакован лӱмгечыж вашеш  краеведений да периодика пӧлемыште книжно-иллюстративный ончерым чумырымо. Тудо писательын илыш ден творчествыж нерген каласкала. Ончер шӧрлыклаште «Шыже муро», «Умыло мыйым», «Авамын куэже», «Порысан пӱрымаш» книгаже-влакым ужаш лиеш.

Тиддеч посна марий литературовед-влакын пашаштым да М.Ушакова дене ыштыме интервьюм шергалаш лудшо-влаклан оҥай лиеш манын шонена.

Ме уло кумылын  Маргарита Тимофеевнам 75 ияш лӱмгечыж дене саламлена да у паша кӱкшытым тыланена!

---