Пытартыш жапыште интеллектуал модыш, поснак квиз-влак, самырык-влак коклаште кумдан палыме улыт. 5-6 еҥ участвоватлыме годым нине оҥай командный таҥасымаш йоча-влакым шке шинчымашыштым да моштымашыштым ончыктымашке уша.

2 октябрьыште библиотекыште «Мусора.NET» ЭКОквиз эртен.  Тушто Марий чодыра озанлык техникумышто 2-шо ден 3-шо курсысо студент-влак участвоватленыт. Тунемше-влак вич раундым модыныт: «Кумыт», «Кугу гыч изиракыш», «Лудын пу да вашеште», «А те паледа мо …» да «Капитан-влакын конкурсышт».

Самырык-влак экологий да усталык йодыш шотышто тале лийыныт, икте-весыштлан полшеныт. Поснак капитан конкурс оҥай лийын, тушто участник-влаклан шке усталыкыштым  ончыкташ логалын. ЭКОквизыште икымше верым «Пӱртӱсын йолташыже » лӱман команде налын.

---