3 мартыште Йошкар-Олаште марий ӱдырамаш-влакын  «Ӱдырамаш корно» лӱман Икымше форумышт эрта. Участник-влак марий ӱдырамашын тӱвыра поянлыкым аралымаште рольжым, марий сылнымутышто образшым, тазалык аралымаште, экономикыште, юриспруденций ден шинчымаш аланыште айлыме вержым да тулеч моло йодышымат каҥашаш тӱҥалыт. Форум Марий кугыжаныш университет пелен эрта. Мероприятийым  «Саскавий» Ӱдырамаш ушем эртара. «Кидшер» интернет-журнал гыч.

Портышкем пайрем поро йӱлашке пура. Молгунамсе семынак пайрем Волжск районысо Карай кундемыште 27 январьыштше эрта.  Пайрем жапыште портышкемым ыштыше-влак дене вашлиймаш да мастарлык класс, ярминга, тӱрлӧ модыш, таҥасымаш, конкурс-влак да концерт лийыт. «Кидшер» интернет-журнал гыч.

23 сентябрьыште «Closer» фильм (Марий Эл) США-се Вашингтон штатыште «5th Annual Hibulb Film Festival» конкурс программыште участвоватлен.

Шинчымаш кече вашеш марий тӱвыра рӱдер йоча-влаклан сай пӧлекым ыштен: «Шонанпыл» альбом-чиялтышым савыктен луктын. Чиялтыш марий «чуриян»: икшыве-влак чиялтыме годым олык, курык да эрвел марий-влакын вургем ойыртемышт дене палыме лийыт. Тыгак марий вургемын ойыртемже нерген чиялтышеш вераҥдыме мутер каласкала. Пӧръеҥ да ӱдырамаш мыжер ден тувырым кузе да мо дене ургеныт – умылтарыме. Тыгак марий ӱдырамашын […]

Йошкар-Олаште «Колумб лудмаш» оласе сылнымут да сылнесем конкурс 19 майыште В.Колумб лӱмеш йоча да самырык-влаклан книгагудышто эрташ тӱҥалеш.  Конкурсыш школышто тунемше, студент, туныктышо-влак да тулеч молат шке мастарлыкыштым ончыктен кертын. «Колумб лудмаш» тений кок номинаций дене эрта: почеламутым сылнын лудын пуымаш да участникын але В.Колумбын почеламутшылан возымо мурым йоҥалтарыман. Йодмаш-влакым 16 май марте mari-centr@mail.ru электрон […]

Лу ий наре пашам ыштыме деч вара англичан йылме дене возымо «Оҥай марий йылме: A Comprehensive Introduction to the Mari Language» («Оҥай марий йылме. Тӱҥалтыш курс») тунемме книган тичмаш версийжым савыктыме нерген куанен увертарена. Икымше ужашын ондакысе версийже эше 2010-ше ийыштак ош тӱням ужын. Ямдылен пытарыме 771 лаштыкан тунемме книга 40 глава гыч шога. Тудым […]

Республикысе марий тӱвыра рӱдер «Кугече лӱҥгалтыш» республик кӱкшытан конкурсым эртара. Тений тушко шым район гыч ялласе кандаш тӱвыра тӧнеж ушненыт. Кугече кечын, 16 апрельыш рӱдерын пашаеҥже-влак Марий Турек район Марий Купто ялыште «Кугече лӱҥгалтыш» пайрем йӱлам эртарыме радамым, вершӧрым тӱзатымым аклаш тӱҥалыт. Моло вере: 17 апрельыште — Волжск район Руш Шайра ялыште 11 шагатлан, Ӱлыл […]