19 январьыште книгагудыштына «Литературные параллели: от творческого наследия Толкина к научно-познавательной литературе» лӱман интерактивный викторине лийын. Тудо англичан писатель, поэт, сӱретче, профессор, сылнымут доктор, лингвист Джон Рональд Руэл Толкинын шочмыжлан 125 ий темме лӱмеш эртаралтын. Мероприятийыште Йошкар-Оласе 9-ше номеран школын 8-ше классыште тунемшыже-влак лийыныт.

Ганс Христиан Андерсен мемнан изина улмо годымак пӧртышкына поро юзо семын шиждымын толын пура. Тудо чынжымак йомак тӱнян мутмастарже улеш. 19 январьыште  Йошкар-Оласе 9-ше номеран школын кокымшо классыште тунемшыже-влак кумдан палыме йомакче Г.Х.Андерсенын ӧрыктарыше тӱняшкыже миен коштыныт.

 2017 ий 16 февральыште книгагудышто семинарым эртараш палемдыме. Тушто кугыжаныш да муниципальный книгагудылаште фонд-влакым чумырымо йодыш, тыгак черке да кугыжаныш библиотек-влакын иквереш пашам ыштыме йӧн нерген мутланаш тӱҥалыт. Ты мероприятий «Мутын куанже» лӱман регион кокласе книга ончер-форум негызеш эртаралтеш.  Ончерыш православий, йоча, туныктыш да классический сылнымут пура.

  «Лудшым куштена» лӱман тӱвыра, сымыктыш да сотемдарымаш ассоциацийын пашаеҥышт-влак йоча-шамычым лудмаш деке кумылаҥдыме амал дене  «Йӧратен пӧлеклыза книгам» акцийым эртара. Тудо Книгам пӧлеклыме кечын, 2017 ий 14 февральыште, лиеш.  Йӧратен пӧлеклыза книгам!  Книгам пӧлеклыме тӱнямбалсе кече 2017

 ГодЛитературы.РФ  портал ден  А.С. Пушкин лӱмеш кугыжаныш музей «Онегиным лудына» видеопроектым увертареныт. Акцийын организаторышт-шамыч кумылан-влакым «Евгений Онегин» гыч темлыме ужаш-влак кокла гыч иктыжым камер ончылно йӱкын лудаш ӱжыт. Профессиональный камер ден студиян фоным кучылташ сай лиеш, но тиде тӱҥ огыл.  Смартфонын камержат шотлан толеш. Тӱҥжым шарныман: войзаш «оҥ тура» гына лиеш (паспортысо семын), тыгак фон лугыч ыштышаш огыл. […]

  2016 ийыште мемнан книгагудышто «Лу эн шокшо» лӱман акций эртен. Тушто лудшо-влак книгагудын фондыштыжо улшо эн чӱчкыдын лудмо сылнымут книгалан рейтингым ышташ полшеныт. Тыге эн сай книга-шамычым ойыраш амал лийын.