Сар нерген шарнымаш — тиде эн ондак ончыклык верч шке илышыштым чаманыде пуышо еҥ-влак нерген шарнымаш. 1941-1945-ше ийласе шучко пагыт нерген самырык тукым  фильмла да фронтовик-влакын шарнымашышт гыч гына пала. Кажне ийын Сеҥымаш кече вашеш книгагудышто ятыр мероприятий эрта. Ий гыч ийыш сарын ветеранже-влак шагалемыт. Но неле сар пагытым ужшо мемнан кова-кочана-влак шуко мом каласкален […]

Шочмо марий кундемжым моктышо кумдан палыме совет да руш писатель, исторический да фантастический роман-влакын авторжо, драматург да журналист — чыла тиде Аркадий Степанович Крупняков нерген. Тудо Советский районысо Чкарино селаште кресаньык ешеш шочын. Икымше произведенийже — «Белые ночи» приключений повесть, а вара исторический роман-влак шочыныт: «Царёв город», «Лада», «Марш Акпарса», «Гусляры», «Есть на Волге утёс», […]

Кажне ийын 26 апрельыште мемнан республикна Марий талешке кечым пайремла. Тиде пайремым XVI-шо курымышто илыше марий талешке Полтышын лӱмжӧ дене кылдат. Тудым палемдаш Пӱрӧ олаште лийше икымше гана эртаралтше Марий погынышто кумдан палыме марий просветитель Павел Глезденев темлен. Марий талешке кечым кумдан палемдаш 1990 ий гыч тӱҥалыныт. 

Космонавтика кече –мемнан элыштына ик эн йӧратыме пайрем. Тидлан ӧршаш уке: вет шукынжо изи годым космонавт лияш да сандалыкыш чоҥешташ шонат. 1961 ий 12 апрельыште «Восток» космический корабль дене Юрий Гагарин мланде йыр савырнен. Икымше гана пайремым 1962 ийыште пайремленыт. Пайрем вашеш 76-шо номеран йочасад ден «Росток» рӱдер, тыгак «Инфосфера» компьютерный школын да 27-ше номеран […]

Мемнан книгагудышто «Калык-влак кокласе келшымаш — Россия — Марий Эл Республика» телекӱвар лийын. Тушто ме Курган оласе В.Ф. Потанин лӱмеш йоча да самырык-влакын книгагудо пашаеҥышт дене да тиде оласе тунемше-шамыч дене экран гоч вияш кылым ыштенна. Вашлиймашыш Йошкар-Оласе 17-ше да 29-ше номеран школла гыч йоча-влак толыныт. Тора йолташна-влак марий калыкын поян фольклоржо, тӱвыраже, юмынйӱлаже нерген пален налыныт. […]

Кажне ийын апрель тылзе мучаште Ола-влак кокласе родо-тукым кыл тӱнямбал кече эртаралтеш. Йошкар-Ола иза-шольо семын кум ола дене келшымаш кылым ыштен: Сомбатхей (Венгрий), Бурж (Франций,  1991 ий гыч ), Принстон (США, Касвел Вирджиний, 5 март 2003 ий гыч). Краеведений да периодика пӧлкаште вераҥдыме «Baratsag — тиде келшымаш» лӱман книга ончер тошто Венгрий ола дене палымым ышта. […]