Пагалыме лудшо-влак! Кугу Сеҥымашын 75 ияш лӱмгечыже лишемеш. Мемнан кажнынан сарын талешкыже уло. Айста нунын нерген каласкалена! Ме тендам «Шке талешкет нерген каласкале» патриотический акцийыш ушнаш ӱжына. «Vk» социальный сетьыште улшо мемнан книгагудын официальный группыштыжо лӱмын альбомым вераҥдыме. Тушко те шке талешкыдан фотожым але сӱретшым шынден кертыда, тыгак тудын историйжым возышаш улыда. Шкендан тичмаш лӱмдам ончыкташ ида мондо. Погымо […]

Шергакан йолташ-влак! Ме тендам кажне ийын эртаралтше  «Могай сай тӱняште сар дечын посна!» Республиканский лудмаш конкурсыш  ушнаш ӱжына. Тений тудо Сеҥымашын 75 ияш лӱмгечыжлан пӧлеклалтеш. Кызытсе эпидемий ситуацийлан кӧра конкурс дистанционный форматыште эрта. Участник-влак сар нерген лудмо произведенийыштым видеоролик полшымо дене палдарышаш да конкурсыш колтышаш улыт.  

6 мартыште кушкын толшо тукымлан лектын шогышо «Пионерская правда» газетын икымше номерже лекмылан 95 ий темын. Тиде газетым тендан ава-ачада, кова-кочада-влак лудыныт. Тудын лаштыклаштыже кугу элнан тӱрлӧ луклаж гыч самырык корреспондент ден писатель, сӱретче ден фотограф-шамычын шке шонкалымашыштым, эскерыме пашаштым, поро уверыштым ужаш лиеш. Нуно шочмо вер-шӧрышт дене, йоча организацийлашт дене мемнам палымым ыштат, шке таҥашыштлан […]

Права лӱдыкшыдымылык школын «Мый да закон» черетан погынымашыштыже йоча-влак Марий Эл Республикысе МВД-н  экспертно-криминалистический рӱдержын специалистше-шамыч дене вашлийыныт. 28-ше номеран лицейын  8-ше классыштыже тунемше-влак криминалистический  экспертизын ышталтме историйже нерген, тыгак  кызытсе правоохранительный пашаште тудын рольжо могай — пален налыныт. 

Республикын 100 ияш лӱмгечыж дене пырля тений кумдан палыме марий поэт-новатор Валентин Христофорович Колумбын шочмыжлан 85 ийым палемдена. Туын лӱмжӧ мыланна поснак шерге. Мемнан книгагудына В.Х.Колумбын лӱмжым кугешнен нумалеш да тудын творчествыжым самырык тукым коклаште шарымаште кажне ийын мероприятий-влакым ятыр эртара. Писательын юбилей ийже вашеш  ме«Поэзий — чияште» Республиканский сӱрет конкурсым увертарена. Тушто 10 гыч […]

Тений, 2020 ийын, Кугу Отечественый сарыште Сеҥымашлан 75 ий темеш. Элна кажне геройым аклен шарна. Ий-влак эртат, шучко жапым шке шинча дене ужшо еҥ-влакат шагалемыт. Кызытсе самырык тукым — сарым илен лекше-шамычын кугезе уныкашт улыт. Садлан ветеран-влак дене кажне вашлиймаш моткочак шерге. 3 мартыште мемнан книгагудышто «Ӱдырамаш чуриян огыл сар» лӱман вашлиймаш эртен. Тушко ветеран […]