![семья](https://rubcolumba.ru/wp-content/uploads/2021/04/78229-300x252.png)
15 май — Ешын тӱнямбал кечыже. Кажне айдемылан еш — тиде эҥертыш, ӱшан, ончыклык. Еш илыш йӱлам арала, икте-весе кокласе кылым ышташ туныкта. Ме тыланда еш да тукым кокласе кыл шотышто пазл-квизым шергалаш темлена.
Телефон: (8362)34-15-12
Йошкар-Ола, Эшкинин урем, 10
Паша радам
Вашкыл
Кузе каяш
3D-экскурсий
Сайтын картше
15 май — Ешын тӱнямбал кечыже. Кажне айдемылан еш — тиде эҥертыш, ӱшан, ончыклык. Еш илыш йӱлам арала, икте-весе кокласе кылым ышташ туныкта. Ме тыланда еш да тукым кокласе кыл шотышто пазл-квизым шергалаш темлена.
Шерге таҥ-влак! Мемнан книгагудышто кудымшо гана В нашей библиотеке шестой раз прошел ежегодный «Могай сай тӱняште сар дечын посна!» Республиканский лудмо конкурс эртен. Тудо Кугу Отечественный сарыште сеҥымашын 76 ияш лӱмгечыжлан пӧлеклалтын. Конкурсышто Йошкар-Оласе да Марий Эл Республикысе кыдалаш тунемме тӧнежла гыч студент ден школьник-влак участвоватленыт. Конкурс ийгот шот дене кум категорий дене эртен: 1-4 класс-влак, […]
2021 ийыште Российыште руш князь Александр Невскийын шочмыжлан 800 ий палемдалтеш. Ончыклык полководец, мыслитель, дипломат Александр Невский 1221 ий 13 майыште Переславль-Залесский Ярослав Всеволодовичын ешыштыже шочын. Тиде кугу пайремлан сылнымут да сымыктыш пӧлкаште «Руш мландын шнуй патырже» книжно-иллюстративный ончер почылтын.
Кызыт Кугу Отечественный сар нерген ятыр ойлат, шуко почеламутым, ойлымашым, повесть ден романым лудыт. Чыла тиде чын. Но кушкын толшо тукымлан сар нерген ме утларак ойлышаш улына. Вет нуно мемнан элым аралыше ончыклыкна улыт. Йоча-влаклан сар нерген лудаш ятыр книга уло. Кызыт тыланда ме Элла Фонякован «Хлеб той зимы» произведенийжым колышташ темлена да изи ӱдыр […]
Кугу Отечественный сарын кышаже утыр да утыр шеҥгелан кодеш. Тек сӧй пасу-влак шудо дене кушкын пытеныт, но калыкнан Сеҥымашым кондышо героизмже мемнан шарнымаш гыч ок ӱштылалт. Кугу кредалмаште сылнымутат ӧрдыж гыч ончышо гына лийын огыл, а сарын участникше лийын. Ятыр совет писатель ден поэт кредалмаште лийын, ала-кӧжӧ военный корреспондентлан пашам ыштен, ала-кӧжӧ партизан отрядыште лийын… […]
Марий талешке кечым ме кумдан палемдена. Кажне калыкын историйыштыже шке калыкше верч шогышо геройжо-влак улыт. Руш-влак Дмитрий Донской ден Сергий Радонежский, эстон-влак Лембиту, венгр-влак Янош Кошут, мордва-влак Бургас дене кугешнат. Марий калыкын мифологический да исторический геройышт — Болтуш, Онар, Чумбылат, Чоткар-патыр, Кокша, Мамич-Бердей, Акпарс, Акпатыр. Марий калык талешке-влаклан пӧлеклалтше модышыш ушнаш уло кумылын ӱжына. МОДАШ
26 апрель — Марий талешке кече. Тиде пайрем марий талешке Полтышын колымыж дене кылдалтын. Тудо XVI курымышто илен да шочмо калыкше верч вуйжым пыштен. Кажне калыкын историйыштыже ушеш кодшо лончо-влак улыт. Нуно торасе шӱдыр семын мемнан деке волгыдылыкым колтат. «Марий талешке-влак» книга ончер краеведений да периодика пӧлкаште верланен. Тудо шочмо мландынан талешкыж-влак дене палдара.