14 январьыште мемнан книгагудышто «Кузе лийын ожно годым» калык ойпого шинчымаш эртен. Тушко 29-ше номеран школ гыч кокымшо классыште тунемше-влак толыныт. Нуно ожнысо жапыште йомак ден муро, калыкмут ден модыш-влак шинчымаш каслаште кузе шочмышт нерген пален налыныт. Йоча-шамыч шкештат уло кумылын такмакым муреныт, мужедыныт, модыныт, туштым туштеныт. Икманаш, жапым веселан эртареныт!

Шерге йолташ-влак! ! 2022 ий Российысе калык тӱвыра поянлыкын ийже семын палемдалтеш. Тидын негызеш «В Тридевятом царстве» республикысе сӱрет конкурс эртаралтеш. Йоча годсо пагыт гычак мемнам йомак-влак сымыстарат. Нуно тале да поро лияш кумылаҥдат, осал ден сайым ойыраш туныктат. Конкурсыш ушнышо изи да самырык сӱретче-влак 6 гыч 15 ияш лийшаш улыт. Нуно руш йомак почеш йӧратыме геройыштым […]

«Никто не верит мне, когда я говорю, что моя длинная книга — это попытка создать мир, в котором язык, соответствующий моей личной эстетике, мог бы оказаться естественным…» Дж. Р.Р. Толкиен Тений Джон Рональд Руэл Толкиенын 130 ияш юбилейже палемдалтеш. Тудо — англичан филологий профессор,  писатель, тӱнямбал сылнымутысо фэнтези жанрын классикше, «Властелин колец» трилогийын, «Хоббит» повестьын […]

Шерге йолташ-влак! Кумдан палыме писатель да драматург Евгений Львович Шварцын илыш да творческий корныжлан пӧлеклалтше «Тыглай юзо» сылнымут викториным иктешлаш жап шуын. Тудо — оҥай пьеса ден сӧрал йомак-влакын авторжо. Викторинын участникше-влаклан писательын илышыж гыч 19 йодыш лийын. Чын вашмутым пуышо-влак ятырак лийыныт. Но эн ондак да чын вашмутым Марий Эл Республикысе Руэм посёлкышто илыше Иван И. пуэн. Тудо […]

У ий лишемеш, тугеже тугеже лумпырче-влакымат ышташ жап шуын. Ме тыланда нуным бисер полшымо дене ышташ темлена. Пашалан пижса веле. ❄❄❄

Уремыште теле. Жап шукат ок код — У ий пайремат толын шуэш. Тудо эн весела, эн куанле, эн мотор! Мемнан книгагудышто «Ийын символжо» лӱман кидпаша у ий конкурс сай йӱлаш пурен. Шушаш 2022 ийын символжо — Тигр. Конкурсыш 130 паша пурен, кажныже шке семынже сӧрал. Йошкар-Оласе да республикысе районла гыч йочасад ден школла гыч йоча-влак тӱрлӧ […]

У ий  — эн йӧратыме, йомак кумылан еш пайрем. А могай У ий мотор кож деч посна? Туштыжо — янда тыртыш, йомак герой-влакын фигурышт, йылгыжше мишура, а эн кӱшнӧ шӱдыр волгалтеш. Ожно У ий кожым кузе сӧрастареныт, модыш-влакым сакалыме историй кушеч лектын — чыла тидын нерген 37-ше номеран йочасадын икшывыже-влак «У ий фантазий» шинчымаш шагатыште пален налыныт. […]