Йолташ-влак! Пургыж тылзе тӱҥалын, тугеже «Йӧратен пӧлеклыза книгам!»  Россий кӱкшытан акций уэш вийым налеш. Ынде кудымшо гана мемнан книгагудо тиде поро пашаш уло кумылын ушна. Тиде пайремлан тӱҥалтышым США гыч школысо библиотекарь да книга блогер  Эми Бродмур пыштен. Книгам пӧлеклыме кече 2012 ий гыч 48 элыште палемдалташ тӱҥалын. Акцийын тӱҥ шонымашыже — ушештараш: книга эреак сай пӧлек […]

Таче Российысе сарзе чап кече палемдалтеш. Тудо 1943 ийысе Сталинград кредалмаште совет войскан немыч-влакым кырен шалатымыж дене кылдалтын. Сталинград кредалмаш  айдеме тукымын илышыштыже эн шучко лийын, тудо 200 кече шуйнен. Тиде шарнымаш кече лӱмеш Сергей Алексеевын «Знаменитый дом» ойлымашыжым колышташ темлена. Надежда Викторовна Бергер лудеш.

1 февральыште палыме марий этнограф, фольклорист, краевед Т.Е. Евсеевын шочмыжлан 135 ий теме. Марий калыкын тӱвыра поянлыкшым шымлымыж дене тудо эрелан историйыш кодеш. Тимофей Евсеевич — Калыкле тоштерын икымше директоржо, шочмо вер-шӧрым кумдан шымлыше айдеме. Землякнан юбилейжылан ме «Калык тӱвырам аралыше» книжно-иллюстративный ончер-портретым ямдыленна. Ончерысе шӧрлыкыштӧ книга ден журнал-влак Т.Е. Евсеевын илыш да творчествыж нерген каласкалат.

Студент пагыт илышын чевер жапше! Тиде — тыршен тунеммаш, зачет да экзамен, икте-весе дене палыме лиймаш да, мутат уке, йӧратымаш пагыт! Кажне ийын 25 январьыште Россий студентын кечыже палемдалтеш. Мемнан книгагудышто «Студент пагыт — ямле пагыт!» книжно-иллюстративный ончер-пайрем почылтын. Чыла студент-влакым ме самырык шӧртньӧ пагыт нерген каласкалыше книга-влак дене палыме лияш ӱжына. Тендам Виктория Ледерманын «Первокурсница» […]

2022 ий Россий калыкын тӱвыра поянлыкшылан пӧлеклалтеш. Тидыже арамлан огыл, вет калык тӱвыра тукым-влакым кылдыше шӱртӧ гай. Мемнан задачына — кугезына-влакын пашаштым арален, ончыклык тукымлан пуаш. Марий калыкын тӱвыраже ятыр курымла дене вияҥын. Посна верым тушто маритӱр айла. Маритӱрын моторлыкшо, поянлыкше тачат шуко еҥым сымыстара. Садлан ме маритӱрын мастарже  Ираида Александровна Степанова дене ыштыме «Маритӱрын юзо вийже» […]

28 январьыште руш писатель, драматург Валентин Петрович Катаевын шочмыжлан 125 ий темеш. Тудын «Белеет парус одинокий», «Цветик-семицветик», «Дудочка и кувшинчик» произведенийже-влак кажнылан йоча годсек палыме. Тиде лӱмгече вашеш ме «Полкын эргыже Ваня Солнцев» сылнымут шагатым пӧлекленна. Тушко 9-ше номеран школын 6 классыште тунемше-влак толыныт ыле. Йоча-влак Валентин Петровичын илыш да творчествыж нерген пален налыныт, архивысе записьлан […]

2022 ийыште тӱня  англичан писатель да математик Чарльз Лютвидж Доджсонын шочмыжлан 190 ийым кумдан палемда, эшеже тудо Льюис Кэрролл псевдоним дене палыме. Писательын юбилейже вашеш ме  «Алисан ӧрыктарыше туштыжо-влак» on-line модышым ямдыленна.  Те Алиса дене пырля ӧрыктарыше тӱняш кайынеда мо? Тугеже пашада ушныжо!