2 апрельыште Тӱнямбалсе йоча книга кече палемдалтеш.  Лач тиде кечын йоча датский писатель, йомакче Ганс Христиан Андерсен шочын. Тиде событийлан 1-6 класслаште тунемше-влаклан «Йӧратыме книга-влакын поро тӱняшт» сылнымут путешествий пӧлеклалтын. Самырык лудшо-влак ты пайремын историйже да йӱлаж дене палыме лийыт, Марий элысе да йот элласе автор ден эн сай йоча книга-влакын сӱретче-иллюстраторыштын лӱмыштым пален налыт. […]

Книгагудышто Йоча книга арня тӱҥалын. Тудым кумдан палыме йоча писатель, «Когда папа рядом» книган авторжо Ольга Кузнецова дене вашлиймаш почын. Книгам лудаш йӧратыше йоча-влак ача-авашт дене пырля  у сборник гыч ойлымаш-влакым  колыштыныт, авторлан ятыр йодышым пуэныт да оҥай викториныш ушненыт. Изи участник-влакым пӧлек-шамыч денат  куандарышт.

  21 мартыште Поэзийын тӱнямбал кечыже палемдалтеш. Тиде пайрем классик-влакын почеламут произведенийыштым шарналташ да кызытсе поэт-влакын творчествыштым ончалаш шкешотан ӱжмашлан шотлалтеш. Кугурак класслаште тунемше ден студент-влакым обслуживатлыме залыште тиде событийлан «Поэзий толкынышто» книга да иллюстративный ончер пӧлеклалтын. Лудшым Александр Сергеевич Пушкин да Михаил Юрьевич Лермонтов деч тӱҥалын, кызытсе кумдан палыме автор-влак марте шкешотан ойпогышт вуча. […]

3 март — писательын Тӱнямбал кечыже. Тиде амал дене «Библиорепортёр» рубрикыште писатель Валерий Владимирович Николаев дене интервью лектын. Тудо — почеламут, ойлымаш да повесть-влакын авторжо, «Сотовый мёд» поэзий книгам да Марий Элысе «Короткие встречи»руш прозо антологийым чумырышыжо. Интервьюшто Валерий Владимирович шкеж, илышыже да творчествыж нерген каласкалыш, лудмашын кӱлешлыкшым палемдыш. Ме чыла писательым профессиональный пайрем дене […]

Книгагудышто  «Калык-влакын книга палитрышт» теле лудмаш фестивальым почмаш лийын. Саламлыме мутым Марий Эл Республикысе тӱвыра, печать да калык-влакын пашашт шотышто министрын алмаштышыже Николай Иванович Любимов ден книгагудын директоржо Лидия Геннадьевна Иксанова ойленыт. Тиде кечынак йоча писатель Ольга Валерьевна Кузнецова дене вашлиймаш лийын. Тудо школышто тунемше-влаклан «Когда папа рядом» у книгаж дене палдарен.

19 январь гыч 26 февраль марте Марий Элыште Российысе калык-влакын икоян улмышт идалыклан пӧлеклалтше «Книжная палитра народов» икымше теле лудмаш фестиваль эрта. Тиде фестиваль кышкарыште «Библиорепортер» цикл тале писатель, поэт да литературовед-влак дене «За строкой» блиц-интервьюм эртара. Нуно национальный литературын кӱлешлыкше да вияҥ толмыж нерген каласкалат. Циклым поэт, литературовед, кусарыше, политолог, музыкант да журналист Герман […]

У ий юзо да ӧрыктарыше ю шӱлышым конда. Лач тиде кечылаште юж ойыртемалтше вий дене темеш, тудо йомак тӱняш ӱжеш. «У ий шумлык» весела пайрем кумылым да шушаш ийлан у вийым пӧлекла. Поро юзо йомак конкурс-влакым эртара, а у ий тушто-влак пайремлан эшеат весела кумылым ешарат. Рвезе-влакым оҥай модыш, усталык заданий да юзо историй-влак вучат. […]