Тӱняште Айдеме лияш…

Rate this post

горь 2018 ий ятыр лӱмгечылан поян. Нунын коклаште совет писатель Максим Горькийын шочмыжлан — 150 ий. Алексей Горькийын творчествыж нерген те мом шонеда манын йодышым шындаш гын, шагалже вашмутым пуа, очыни. Вет тиде возышо еҥым ме лач Максим Горький семын палена. Тудо тыглай литератор гына огыл, а эше тале мер пашаеҥ лийын. Писательын юбилейже вашеш книгагудышто «Тӱняште Айдеме лияш» лӱман кас-портрет лийын. Тушко Йошкар-Оласе аграрный колледжын икымше курсышто тунемше студентше-влак толыныт.

DSC02694Тунемше-влак писательын творчествыж нерген гына огыл, тыгак тудын илышыж гыч шагал палыме факт нерген оҥай выступленийым колыштыныт. М. Горькийын ойртемалтше  тӱняшинчаончалтышыже, тыршен савыкталтмыж нерген каҥашеныт. Тыгак Книгапӧрт пашаеҥ-шамыч тунемше-влаклан поян материалан мультимедийный презентацийым ончыктеныт.

Тиде писательын творчествыштыже эше ик ойыртем: капитализмын сӱмырлымӧ жапыштыже обществым тыглай еҥын илышыж ден койыш-шоктышыж гоч ончыктен моштен. Максим Горький илышын кочо чынжым чон арулыкын ӱшанже дене кылден. Лач тыгай кылдыш тудын произведенийже-влакым шкешотаным, геройжо-шамычым шарнаш кодшым,  а  Горькийым Калык писательым ыштен.

 Максим Горькийын илышыж да творчествыж нерген кумданрак палыме лияш кумылда лектеш гын,

вес мероприятийыш пагален ӱжына.

Телефон дене ончылгоч возалташ лиеш: 34-15-12

Поделиться в соц. сетях

0