Кажне элын историйыштыже мондаш лийдыме событий-влак улыт. Ленинград блокаде да тудын йочаже-влак… Оласе илыше-влаклан индеш шӱдӧ кече тамык гай лийын, тудо тачат чыла айдеме тукымлан трагический урок семын кодеш.   Кугу Отечественный сарыште Сеҥымылан 80 ий темме  идалыкын ме шкенан салтак-влакын подвигыштым, тылыште тыршыше-влакын патырлыкыштым да пеҥгыдылыкыштым пагален шарналтена.

Писатель Валерий Владимирович Николаев тендам историйын неле лаштыклаж дене  эше ик гана палдара. Шукерте огыл посна савыктыш дене лекше «Озябший ангел» военно-приключенческий повестьше пеш кугу нужна да лӱдыкшӧ условийыште подростко-влакын кӧргӧ вийышт да геройлыкышт почылтмо нерген каласкала. Шарнымаш ден архив документ-влаклан эҥертен, автор самырык лудшо-влакым блокаде олан ойган илыш кышкарышкыже наҥгая.

Валерий Николаев дене усталык вашлиймаште тендам уло чон дене мутланымаш, шкешотан шарнымаш да тӱнян шарнымашыже, патырлыкше да акше нерген шонкалымаш вучат.

Кумылан-влакым 20 ноябрьыште 11.00 шагатлан книгагудын конференц-залышкыже ӱжына!

Марий эл чодыра да эҥер коклаш шылтыме йомак гай. Тыште Юл йогыланен кадыргылеш, пӱнчӧ-влак акрет годсо нерген шыве-шыве мутланат, сылне олык, яндар деч яндар ер да курымаш тумер шарлен возыныт. Марий эл — Юл кундемын илыше чонжо, тыште юж лӱмегож, коҥга тӱньык гыч лекше шикш да йӱр деч вара свежа пуш дене ӱпшалтеш. Йырым-йыр кайык йӱк да изэҥер-влакын йыргыктымышт йоҥга, пуйто мланде шкежак мура. Калык ойпого марий патыр-влакым шке вожшылан ӱшанле шӱлышаным арален коден. Кердышт — тиде муро, щитышт – тиде йӱла, вийышт – мландым да кугезым пагалымаште. Марий Эл Республикын шочмо кечынже легенде-влак эртыше жапыш огыт кай,  марий патыр-влаклан пӧлеклалтше интерактивный книган кажне корныштыжо ылыжыт манын, акрет тӱняшке савырнаш ӱжына. Акрет годсо преданийым чонаным да кумылым савырышым ышташ манын, шкешотан проект йӱлаш пурышо фольклор ден кызытсе цифровой технологий-влакым уша. Йӧратыме йомакын у семын йоҥгалтмыжлан, авторын иллюстрацийжылан, интерактивный заданийжылан кӧра книга тӱвыра поянлыкым арален кодаш, тудын дене кызытсе да ончыкылык тукымым палдараш да марий фольклор  деке кумылым ылыжташ полша. Теат йомак корнышко шогалза да марий патыр-влакын кышашт почеш эртыза!

Кажне ийын 4 ноябрьыште ме Калык-влакын икоян улмо кечыштым веле огыл, тыгак Марий Эл Республикын шочмо кечыжым палемдена. Марий мланде курымла дене толшо шкешотан калык йӱла, тӱвыра дене виян. Тиде кечын ме марийын ожнысо илышыжым поснак шарнена, историй да йылме дене поян улмына дене кугешнена.

Шочмо кундемна нерген шинчымашым
 «Марий Элем ден кугешнем» модыш-викторина гоч тергена.

2025 ий октябрь тылзыште Марий книга савыктышлан 100 ий теме. Тудым ыштыме нерген пунчалым 1925 ийыште Марий областной комитетын III-шо пленумыштыжо лукмо.  Издательствын икымше лукмо книгаже  самырык поэт Алексей Жадаевын «Между городом и деревней» почеламут сборникше лийын.

Таче савыктыш рушла да марла (олыкмарий да курыкмарий) йылмыла дене книга-шамычым луктеш. Тудын каталогыштыжо — художественный да йоча литератур, мутер да справочник, нотный и изобразительный изданий-влак, тыгак краеведений, литературоведений дене кылдалтшекнига-влак.

Издательствын ончыклык планже могай? Кушто налаш лиеш книга-влакым? Могай книга-влак лудшо коклаште йодмашан? Нине да моло йодыш-влаклан «Марий книга издательстве» савыктыш пӧртын директоржо Эдуард Аркадьевич Иманаев вашешта.

Шукерте огыл, 14 сентябрьыште, тале поэт да кусарыше Григорий Михайлович Кружковлан 80 ий темын! Тудын творчествыштыже посна верым йоча литератур налеш, Григорий Михайлович — шкешотан да пӱсӧ уш-акылан почеламут ден йомак-влакын авторышт, нуно эре гаяк весела да эре-кызытсе жаплан келшыше улыт. Книгагудын лудшыжо-влак тиде чапле писательын творчествыж дене палыме лийыныт, «Шокшысо ӧрмаш» сылнымут мозаикыш миен коштыныт.

Шерге йолташ-влак!

Кажне ийын Энергосбережений да экологий Всероссийский фестиваль негызеш книгагудышто  #ВместеЯрче! лӱман йоча сӱрет конкурс эрта. Тудын тӱҥ шонымашыже  — пӱртӱс да энергоресурсым аралымаш, тудым аныклен кучылтмаш.

Кумылан-влакым #ВместеЯрче! Республиканский дистанционный йоча сӱрет конкурсыш  ушнаш пагален ӱжына.  Шке усталык пашаштыда – сӱрет я плакат лийже — йырым-йыр улшо пӱртӱсым, тудым кузе аныклаш лиеш манме шонымашым шыҥдарышаш улыда.

Конкурсыш йочасадысе, тыгак Марий Элысе тӱшка да ешартыш шинчымашым пуышо организаций-влакын тунемшышт ушнен кертыт. Ийгот — 6 гыч 12 ияш марте.   

У тунемме ий тӱҥалме дене книгагудыштына лудшо-влакна ешаралтыт. Икымше классыште тунемше-шамыч ава-ача але туныктышо пелен толыт.  Книгагудына дене лишкырак палыме лияш манын,  специалист-влак  «Паледа мо Книга пӧртым?» лӱман интерактивный экскурсийым ямдыленыт. Тудо модыш формат дене эрта. Экскурсийын участникше-влак библиотекын заллаштыже лийыт, тошто книга-влак дене палыме лийыт, книгагыдо могай Колумбын лӱмжым нумалеш  — пален налыт.

Пагален ӱжына!