Тӱткӧ лийза!

Karantin

Пагалыме лудшо-влак!

Книгагудын чыла пӧлкаже жаплан петырналтын! 

Россий Федераций Президентын 2020 ий 25 мартысе 206-шо номеран «Об объявлении в Российской Федерации нерабочих дней» Указше да Россий Федераций Президентын 2020 ий  2 апрельысе 239-ше номеран «О мерах по обеспечению санитарно-эпидемиологического благополучия населения на территории Российской Федерации в связи распространением новой коронавирусной инфекции (COVID-19)»Указше почеш, тыгак Марий Элысе тӱвыра, печать да калык паша шотышто министерствын 2020 ий 3 апрельысе 93-вр номеран Указше почеш В.Х.Колумб лӱмеш Республикысе йоча да самырык-влакын книгагудыжо лудшо-влакым обслуживатлымым 2020 ий 30 апрель марте чарна.

Книга шуяш книгагудын сайтыштыже  да «Vk» группышто» лиеш.

Аралыза шкендам та таза лийза!


Профессиональный пайремыште мемнан книгагудыш Марий Эл Республикым вуйлатыше А.А. Евстифеев толын

 глава2Профессиональный пайрем — Российысе книгагудо кечын мемнан книгагудыш Марий Эл Республикым вуйлатыше А.А. Евстифеев толын.

Вуйлатыше Екатерина Аркадьевна Ерпылёва библиотеке мучко уна-влаклан экскурсийым эртарен: марий поэт Валентин Христофорович Колумблан пӧлеклалтше литературно-мемориальный залым, «Йомак пӧлемым», мотор ончер залым, тыгак торжественный конференц-залым ончыктен коштыктен.  Профессиональный пайрем вашеш книгагудышто кеҥежымсе лудмо пӧлемым почаш шонымаш лийын ыле. Но тиде куанле шонымаш кызытеш шыҥдаралт ыш керт.

Александр Александрович мемнан книгагудынам чыла могырымат кӱкшын аклен. Темлымаш книгаште книгагудо пашаеҥ ден лудшо-влакым Россий Книгагудо кече дене саламлен!

глава3 Глава1 глава2Глава4


Марий АССР-ын калык поэтше Семен Алексеевич Вишневскийын шочмыжлан — 100 ий

 

 

Марий Элем, кугу тӱнян картлаште
От нал ваштар лышташ гай верымат,
Но тый улат эртак мемнан шӱмнаште,
Пеледыш гай мотор, рвезак улат.

Марий поэт Семен Вишневскийын нине почеламут корнылаже шукылан палыме. 23 майыште сылнымут мастарын шочмыжлан 100 ий темын. С.Вишневский — Марий АССР-ын калык поэтше,  Марий АССР Кугыжаныш премийын лауреатше, Кугу  Отечественный сарын участникше. 50 ий жапыште 20 наре книгам савыктен, ятыр почеламутшо мурыш савырнен. Поэтын юбилейже вашеш ме тыланда  виртуальный альбомым ончалаш темлена.


«Российын символжо-влак. Кугу Отечественный сар: фронтысо да тылысе подвиг-влак» Всероссийский конкурс

Simvoly_RossiiРоссий кугыжаныш йоча книгагудо  Россий исторический ушем да Кугыжаныш  публичный исторический книгагудо дене пырля РФ Тӱвыра министерствын полшымыж дене «Российын символжо-влак. Кугу Отечественный сар: фронтысо да тылысе подвиг-влак» Всероссийский конкурсым увертара.

10 гыч  16 ияш марте тунемше-влаклан Кугу Отечественный сар годсо фронтышто да тылыште лийше кумдан палыме подвиг-влак нерген йодыш-шамычым шонаш темлалтеш.

Йодыш-влак 2020 ий 9 май гыч 11 октябрь марте налалтыт. Тидланже  конкурсыш  ЙОДМАШЫМ возыман.

Конкурсышто сеҥыше-влакым палемдыме йодыш шотышто 2020 ий 19 ноябрьыште «Российын символжо-влак. Кугу Отечественный сар: фронтысо да тылысе подвиг-влак» Всероссийский олимпиада лиеш. 


«Могай сай тӱняште сар дечын посна!» Республиканский лудмо конкурсым иктешлыме

Шарнымаш да чап ийыште мемнан книгагудышто «Могай сай тӱняште сар дечын посна!» лудшо-влакын V-ше Республиканский конкурсышт эртен. Тений тудо  дистанционный форматыште лийын да 539 лудшым чумырен. Нунын кокла гыч жюрилан 9 еҥым ойыраш куштылго лийын огыл. Айста нунын дене палыме лийына.

 


«Кӱчыкын тӱҥ нерген» сетевой акций

книга сердце1В.Х.Колумб лӱмеш йоча да самырык-влаклан книгагудо элнан тӱрлӧ луклаште илыше коллегына-влакым «Кӱчыкын тӱҥ нерген» сетевой акцийыш ушнаш ӱжеш да кумылан-влакым шке илыш девизышт дене палдараш йодеш. Тудо Книгагудын тӱнямбал кечыжлан пӧлеклалтын.

Кажне айдемын шонымашке наҥгайыше илыш девизше уло. Чӱчкыдынак тидлан ме кумдан палыме писатель-влакын мутыштым але произведений гыч налме ойым кучылтына. 


Андрей Эшпайлан — 95 ий

maxresdefault

Андрей Яковлевич Эшпайын шочмыжлан 95 ий темын.
СССР-ын калык артистше, композитор Андрей Яковлевич Эшпай хитыш савырныше  «А снег идет», «Я сказал тебе не все слова», «Мы с тобой два берега» да моло мурыж дене кумдан палыме… Но тиддеч посна тудо симфонийлан, балетлан, опереттылан, хорлан, джазовый пьесылан семым ятыр возен. Адакшым шуко семӱзгар дене шокташлан келыштарен: скрипкылан, фортепианолан, виолончельлан, флейтылан, контрабаслан, гобойлан, саксофонлан, кларнетлан… Эшпайын семже-влак 60 кинофильмыште йоҥгат. Тыгай тӱвыргӧ паша лектыш Андрей Эшпайын кугу кӧргӧ виян, шонымашке шуаш тыршыше лиймыж нерген ойла.  


^
КӰШКӦ