Элна Сеҥымаш пайремым кумдан палемдыш. Тиде кече кажне айдемылан лишыл да шерге. Ме тулан шучко ий-влакым эрелан шарнышаш улына. Индешышмше май мыланна кажне гана ушештара: сар — тиде осал, кудыжо тетла лийшаш огыл.

Книгагудышто Сеҥымашлан пӧлеклалтше «Могай сай тӱняште сар дечын посна!» Республиканский лудмо конкурс кандашымше гана эртен. Самырык лудшо-влак кум категорийыште мастарлыкыштым тергеныт. Тушто В. Степановын, С. Маршакын, С. Михалковын, Р. Рождественскийын, М. Владимовын, А. Усачевын, Л. Тассин да ятыр моло поэтын почеламутышт йоҥгеныт. 

Йоча-влакын мастарын лудмыштым жюри аклен, нунын коклаште Россий писатель ушем еҥ  Веселов Алексей Анатольевич, Марий драма театрын артисткыже, Россий Федерацийын сулло артисткыже Медикова Маргарита Егоровна, поэт, член Союза писателей Россий писатель ушем еҥ Шурыгин Андрей Владимирович, марий писатель Кристина Архипова, капитан, Киевско-Житомирский 14-ше ракетный дивизийын начальникше Пикюк Евгений Эдуардович, военный инвалид-влакын Общественный организацийыштын региональный отделений член-влак Максимов Эрик Демьянович, Евдокимов Вячеслав Михайлович, Афанасьев Виталий Владимирович да Анучин Виктор Павлович.

Жюри иктешлен Конкурсын сеҥышыже-влакым.