Марий калык шке тӱвыраж дене, акрет годсо илыш-йӱлам арален толмыж дене чаплана. Тидын нергенак Йошкар-Оласе Д.Э.Шаймарданов лӱмеш 29-ше номеран школысо 7 классыште тунемше-влаклан «Какшан ӱмбалне — кӱсле муро» музыкальный калейдоскоп эртен. Йоча-влак марий юмынйӱла годым але вес пайрем годым марий семӱзгарын верже нерген пален налыныт. Тунемше-шамыч шÿвырын, тÿмырын, кÿслен, шиялтышын, гармоньын шочмо историйже нерген ойленыт. Вашлиймашын участникышт-влак уло кумылын марий семӱзгар нерген легендымат колыштыныт.