У ий  — эн йӧратыме, йомак кумылан еш пайрем. А могай У ий мотор кож деч посна? Туштыжо — янда тыртыш, йомак герой-влакын фигурышт, йылгыжше мишура, а эн кӱшнӧ шӱдыр волгалтеш.

Ожно У ий кожым кузе сӧрастареныт, модыш-влакым сакалыме историй кушеч лектын — чыла тидын нерген 37-ше номеран йочасадын икшывыже-влак «У ий фантазий» шинчымаш шагатыште пален налыныт. Ӱдыр-рвезе-влак весела пайремлан кузе ямдылалтмышт, кожым могай модыш дене сӧрастараш тӱҥалмышт нерген каласкаленыт. Вашлиймаш годым мотор мультимедийный презентацийым онченыт. А мучашлан почеламут-влакым лудыныт.

---