Чапланыше руш поэт Николай Некрасовын шочмыжлан пӧлеклалтше  виртуальный книга ончер тудын илыш да усталык корныж нерген каласкала.Николай Алексеевич Некрасов — руш поэзийын классикше, писатель, публицист, революционный демократ, «Современник» ден «Отечественные записки» журнал-влакын редакторжо. Некрасов незер калыкын ойган, неле илышыж  нерген возен. Тудо тыгак руш сылнымутыш у йӧн-влакым пуртен, мутлан, руш айдемын тыглай кутырымо йылмыжым.

Писательын юбилейже вашеш ме «Калыкын илышым палыше» виртуальный книга ончерым вераҥденна. Тушто Николай Алексеевич Некрасовын илыш да творчествыж нерген книга-влакым муаш лиеш.

---