27 шыжан В.Х. Колумб лӱмеш республикысе йоча да самырык-влаклан книгагудышто «Ойго подылтыш» лӱман  информационный шагат эртен. Тушто Российыште арака йӱмӧ проблемым тарватыме. Оласе 9-ше номеран школын тунемшыже-влак дене «Трезвая Марий Эл» мер организацийын вуйлатышыже Павел Марышев вашлийын.

Мероприятийым эртарыше-влак йоча-шамычлан аракан эллан кугу эҥгекым кондымыж нерген каласкаленыт. Тыгак айдемын йӱмыжӧ  шканжат, воктен улшо еҥланат лӱдыкшым конда. Арака дене аяргыше шке  илышыжлан шке оза огеш лий. А сыра — мемнан элысе калыкым пытарыше ик эш шучко йӧн .

Павел Марышев йоча-влак ончылно   эше ик гана пеҥгыдемден: арака деч посна илыш — пиалан илыш. Кочывӱд ым палыде илаш, тугеже, эрыкан да таза уш-акылан лияш.

---