Иван Константинович Айвазовскийым уста маринист семын палена. Кугу мастарын произведенийже-влак руш да армян живописьыште веле огыл, тыгак тӱнямбал сымыктышыштат ончыл верыште шогат. Руш сӱретчын «Толкынын озаже» арт-портретше 9 школын 3-шо классыште тунемше-влаклан теҥыз пейзаж дек лишкырак лияш полшен. 

Йоча-влак маринистын поян илыш корныж дене палыме лийыныт. Поснак тудын фамилийже ӧрыктарен, вет сӱретчын чын фамилийже – Ованес Айвазян. Тунемше-влак тыгак пален налыныт: Айвазовский Крымысе Феодосия олаште шочын, садлан теҥыз тудын творчествыштыже тӱҥ лийын. Ӱдыр-рвезе-влак «Девятый вал» радынам йӧратен онченыт. Тусо вӱд нунылан ялт илыше гай койын.

Вашлиймаш мучаште квиллинг технике йӧн дене йоча-шамыч шкештат теҥыз сӱретым ыштеныт.

---