Тӱнямбал музык кече вашеш мемнан книгагудышто «Айста огына чеверласе!» бард муро кас эртен. Самодеятельный мурым йӧратыше-влак В.И.Ленин лӱмеш тӱвыра полат пелен улшо «Четверг» группа дене уло кумылын вашлийыныт. Нуно шке усталыкышт дене авторский мурын уло моторлыкшым ончыктеныт. Погынышо-влак  «Многоголосье», «Музыкант» ныжыл муро-шамычым, Юрий Визборын «Речной трамвай», Булат Окуджаван «После дождичка» ден «Надежды маленький оркестрик» мурыштым колыштыныт.Ончышо-влаклан клубысо участникше-шамыч — Ольга Солнцева «Романтики неба», Владимир Иванов «По облакам» да «Наверстать не всегда успеваешь…», Татьяна Трегубова «Йошкинская песня» мурышт-влакым муреныт. Поснак колыштшо-влакым Ирина Принцеван йӱкшӧ сымыстарен, тудо «Гитара» ден «Песенка врача» мурыжым мурен. Уна-шамыч кумдан палыме российский бард Ада Якушеван «Вечер бродит» мурыжым чылан пырля йоҥгалтареныт. Тиде кас чылалан моткоч келшен. Ончаш толшо-влак бард муро пайремыш вес ганат погынаш кумылым ончыктеныт.

 

 

 

 

 

 

 

---