Кажне ийын 26 апрельыште мемнан республикна Марий талешке кечым пайремла. Тиде пайремым XVI-шо курымышто илыше марий талешке Полтышын лӱмжӧ дене кылдат. Тудым палемдаш Пӱрӧ олаште лийше икымше гана эртаралтше Марий погынышто кумдан палыме марий просветитель Павел Глезденев темлен. Марий талешке кечым кумдан палемдаш 1990 ий гыч тӱҥалыныт. 

Калык ойпого марий талешке-влакын лӱмыштым: Онарым, Нöнчык патырым, Чоткар ден Чумбылатым тукым гыч тукымыш арален толеш. Нунын патырлыкыштым, виян кап-кылыштым, писе уш-акылыштым легенде ден преданийла гоч палена.

Марий талешке-влак нерген 64-ше номеран «Колобок» йочасадыш коштшо-влак кумданрак пален налыныт да Чоткар патыр нерген легендым колыштыныт,  Маршан нерген мультфильмым онченыт.

---