Писательын юбилейже вашеш мемнан книгагудышто «Крылов кочан басньыже-влак» сылнымут дуэль эртен. Тушто икымше гана сторителлинг (storytelling (англ.) элемент-влакым (историйым каласкалымаш, повествований) кучылтмо. Тиде оҥай мероприятийыште Сергий Радонежский лӱмеш гимназийысе 2-шо классыште тунемше-влак лийыныт. 

Тӱҥалтышлан йоча-влак писательын биографийже дене палыме лийыныт: Иван Андреевич илышыште йылмым сайын палыше мутмастар лийын.

Сылнымут дуэльыште кок команде вич еҥ дене ӱчашен. Эн пытартышлан творческий заданий лийын — storytelling. Тунемше-шамыч Крыловын басньыже-влакым прозо семын лудыныт, тыгодым ойлымыштым тыге тӱҥалыныт: «икана» але «иленыт улмаш». Тӱҥ условийжат лийын: басне мучашым вашталтен, шке шонен каласкалыман. Дуэльыште секундант-влак команде-шамычын вашмутыштым акленыт. Йоча-влаклан тыгай мероприятий пеш келшен.

---