Йомак пӧлемыште кодшо курымышто лудшо-шамыч коклаште кумдан чапланыше книга- влакым чумырымо да «Книга-влак — кован сондык гыч» ретро-ончерым почмо. Изи лудшо-влаклан совет жапысе йомакым, оҥай ойлымашым, ятыр почеламутым погымо. Нунын коколаште  З. Александрова, А. Митяев, Г. Балл, А.Зверинцев, В. Квитко да моло автор-влак улыт. Книга-влакым 1960-1970 ийлаште «Детская литература», «Малыш» савыктыш-шамыч луктыныт. Тыгай волгыдо сылнымутым лудмеке, изинат-кугунат чонжым поро кумыл авалта, а ача-ава-влакым эртыше йоча пагытыш пӧртылта.

Кумылан-влакым порылыке тӱняшке да волгыдо шарнымашышке пӧртылаш пагален ӱжына!

---