Тӱнямбалсе айык кечын самырык-влаклан таза илыш-йӱла нерген каласкалаш сай амал лие.  Нуно  «Айык Россий — таза кугыжаныш» информационный шагатым  колыштыныт.

Марийский радиомеханический техникумышто икымше курсышто тунемше студент-влак дене Марий Элысе волонтер–медик-влак вашлийыныт. Нуно алкогольын организмлан кугу эҥгекым ыштен кертмыже нерген ойленыт. Тунемше-шамыч пайремын лийме историйжым, Российысе подростковый алкоголизмын статистикыжым пален налыныт. Алкоголизмын амалже могай? Чер ваштареш могай профилактикым ыштыман? Нине да моло йодыш-влаклан вашмутым кычалмат пайдале лийын. А эше энергетический йӱыш шотышто мутланымаш ылыжын ыле.   

Книгагудын психологшо  М.В. Крутихина йоча-влаклан спирт йӱышын кугу проблемым ыштымыж нерген умылтарен, ӱдыр-рвезе-шамычын йодышыштлан вашештен. Студент-влакат шке шонымашыштым ойленыт, профилактический программе да мероприятий-шамычын кӱлешлыкшым пеҥгыдемденыт.

---