Марий Элыште «Кугече лӱҥгалтыш» республик кӱкшытан конкурс эрта

kacheliРеспубликысе марий тӱвыра рӱдер «Кугече лӱҥгалтыш» республик кӱкшытан конкурсым эртара. Тений тушко шым район гыч ялласе кандаш тӱвыра тӧнеж ушненыт.
Кугече кечын, 16 апрельыш рӱдерын пашаеҥже-влак Марий Турек район Марий Купто ялыште «Кугече лӱҥгалтыш» пайрем йӱлам эртарыме радамым, вершӧрым тӱзатымым аклаш тӱҥалыт.
Моло вере: 17 апрельыште — Волжск район Руш Шайра ялыште 11 шагатлан, Ӱлыл Азъял 14 шагатлан;
18 апрельыште – Куженер район Токтайбелякыште 11 шагатлан, У Торъял район Кузнеч ялыште 14 шагатлан эртарат.
19 апрельыште — Конкурсыш Советский район Кукмарий ял. Пайрем 14 шагатлан лиеш.
20 апрельыште – Звенигово район Какшамарийыште «Кугече лӱҥгалтышым» тӱшкан палемда. 14 шагатлан тӱҥалеш.
21 апрельыште – Параньга район Усолаште, 14 шагатлан эртаралтеш.
«Кугече лӱҥгалтыш» республик кӱкшытан конкурс 22 апрельыште Йошкар-Оласе Рӱдӧ тӱвыра да каныме паркыште эртаралтше республик кӱкшытан «Кугече» йӱла пайремыште иктешлалтеш. Пайрем 13 шагатлан тӱҥалеш.
«Кидшер» Интернет-журнал гыч.

Поделиться в социальных сетях

0