27 ӱярнян Йоча книга арняште 9 номеран  общеобразовательный школын тунемшышт дене пырля интерактивный путешествий эртен. «Жапым йомдарыме нерген йомакыште» йоча-влак кузе жапым аныклаш, писын лудаш, мӧҥгысӧ пашам сайыш шукташ лийме йодышым каҥашеныт.  

Психологын полшымыж дене йоча-влак «Минута» экспериментым эртареныт. Тушто нуно лугалт пытыше предложений-влакым шотыш конденыт, тыгак, Шультен таблицыжлан эҥертен, шке коклаштышт эн «писым» ойыреныт.

«Печатный машинке» модыш дене модын, ӱдыр-рвезе-шамыч икоян улмыштым тергеныт. А модышыжо тыгайрак: йоча пошкудын  пулвуйышкыжо  кидшым пышта да черет почеш нӧлталеш, тыге «вӱдтолкын» нӧлталалтшыла  коеш. Психологын аклымыж почеш, тиде класс  икоян да весела лийын.

---