25 январьыште В.Х.Колумб лӱмеш  Республикысе йоча да самырык-влаклан книгагудышто «Сеҥымаш. Проблеме. Ончыклык паша» лӱман йыргешке ӱстел лийын. Тушто 2016 ийыште ыштыме пашам иктешлыме.

Книгагудо пашаеҥ-влак ончылно Марий Эл Республикын тӱвыра, печать да калык-влакын пашашт шотышто министрын алмаштышыже А.М.Одинцов ойлен. Тудо книгагудышто лудшо-влакын контингентыштым арален кодымым, РФ Президентын резерв фондшо гыч окса полыш толмылан кӧра  книга шӧрлыкым пойдарымым, ятыр пайдале мероприятийым эртарыме пашам сай могырым палемден. А.М.Одинцов книгагудо пашаеҥын коллектившылан пашам сай ыштымыжлан да Кино идалыкым тӱвыргӧ лектыш дене мучашлымыжлан таумутым ойлен.

Тиде вашлиймаште учрежденийын тӱрлӧ туравеллык дене пашам ыштыме нерген ойлымо, ончыклык сомылым вораҥдарен колтымо нергенат мутланыме. Кугыжаныш заданийым шуктен толмым, книгагудо палшыкым нӧлтен колтымым тӱҥ йодыш семын ончымо. Тыгодымак информаций да коммуникаций технологий полыш, фонд-влакым ыштыме йодышат ӧрдыжеш кодын огытыл.

Мероприятий годымак «Мемнан сеҥымашна-влак» экспозицийым чумырымо, тушто таумутан серыш-влак, «Проект 31″ интерактивный сылнымут конкурсышто налме медаль да ятыр шуко грамот ончыкталтыныт. Тыгак книгагудышто лекше изданий-шамыч нерген каласкалыше «Мемнан савыктышна-влак» лӱман ончер лийын.

---