«Baratsag — тиде келшымаш»

Оцените этот материал

DSC05942_Кажне ийын апрель тылзе мучаште Ола-влак кокласе родо-тукым кыл тӱнямбал кече эртаралтеш.

Йошкар-Ола иза-шольо семын кум ола дене келшымаш кылым ыштен: Сомбатхей (Венгрий), Бурж (Франций,  1991 ий гыч ), Принстон (США, Касвел Вирджиний, 5 март 2003 ий гыч). Краеведений да периодика пӧлкаште вераҥдыме «Baratsag — тиде келшымаш» лӱман книга ончер тошто Венгрий ола дене палымым ышта. Книга, альбом, фотографий да иллюстраций-влак полшымо дене эртен кодшо пагыт нерген палаш лиеш: мутлан, кунам Свобода манме урем Вашскийыш савырнен, але Какшан сер вес велне чоҥалтше микрорайонлан молан Сомбатхей лӱмым пуэныт да тулеч молат.  Ондак тушто верланыше «Савария» ужалыме рӱдерын лӱмжат акрет Сомбатхей дене кылдалтын, а тудын ончылно венгр ваятель Михай Неметын ыштыме скульптуржо верланен. Тидын годым Венгрийысе тора Сомбатхей олаште «Йошкар-Ола» микрорайон шочын да Йошкар-Оласе скульптор А. Ширнинын скульптурный композицийже ончыкталтын. Иза-шольо гай  кок калыкын келшымашышт  нерген муро ден почеламут-влак возалтыныт. Нунымат книга ончерыште муаш лиеш, тудо апрель тылзе мучаш марте пашам ышта.

Книгагудыш пагален ӱжына!

0
^
КӰШКӦ