«Cареш когаргыше йоча шӱм»

Оцените этот материал

All-focus

8 февраль — Самырык герой-антифашист-влакым шарныме кече. Тиде кечын ме Кугу Отечественный сарыште кугыен дене пырля фашист ваштареш кредалше совет рвезе-ӱдыр-влакым порын шарналтена. Нуно пеш шукын лийыныт, садлан шарнымаштына чыла лӱмжӧ укеат. Кугу сарын палыме да палыдыме изи геройжо-влак фронтлаште, оккупацийлаште тӱжем дене кредалыныт да вуйыштым пыштеныт.  Пионер ден комсомолец-влак, оласе але ялласе… Нине ӱдыр-рвезе-шамыч совет калыкын сеҥаш лийдыме лӱддымылыкыштым, патырлыкыштым уло тӱнялан чапландареныт.

Самырык тукымын шӱмешыже нунын нерген курымашлык шарнымашым кодаш манын, мемнан книгагудыштына кажне ийын Самырык герой-антифашист-влакым шарныме кече лӱмеш ятыр мероприятий эртаралтеш. Теве шукерте огыл мемнан лудшына-влак «Cареш когаргыше йоча шӱм» сылнымут аккордышто участвоватленыт.

29-ше номеран школын 4 классыштыже тунемше-шамыч Кокымшо тӱнямбал сарыште кредалше иктаҥаш йоча-влакын лӱмыштым, фамилийыштым пален налыныт. Оккупацийлаште самырык разведчик-партизан-шамыч шкеныштым патырла ончыктеныт, казньышкат вуйым кӱш нӧлтен ошкылыныт. Тунемше-влак лӱддымылыкым ончыктышо Александр Матросов, Зоя Космодемьянская, Олег Кошевой, Зина Портнова, Марат Казей, Володя Дубинин, Леонид Голиков, Валентин Котик, Любовь Шевцова, Юта Бондаровская  да моло нергенат колыштыныт. Нунын подвигышт — кушкын толшо тукымлан сай пример.

All-focus

All-focus

All-focus

All-focus

All-focus

All-focus

0
^
КӰШКӦ