«Шулдыранак ыле тудо»

Rate this post

DSC07465 Краеведений да периодика пӧлемыште марий поэт, журналист В.В.Крыловын 65 ияш лӱмгечыжлан пӧлеклалтше  «Шулдыранак ыле тудо» книга ончерым вераҥдыме.

В.Крылов шке усталык пашажым «Колхозная правда» район газет пелен улшо «Морко памаш» сылнымут ушем гыч тӱҥалын. Туштак икымше почеламутшо савыкталтын. Варажым «Ямде лий» газетын тале юнкоржо лийын. Студент пагытыште «Памаш» сылнымут кружокыш коштын, «Сылнымут шыже» семинарыште участвоватлен.

1985 ийыште Василий Крыловын «Поҥго йӱр » лӱман икымше книгажым Марий книга савыктыш луктын. Тиддеч вара «Вӱдшӱдыр», «Мераҥ шовыч» йоча книга-влак савыкталтыт. Тиде талантан айдеме ятыр коллективный сборник-влакым ямдылен, нунын коклаште «Эрвий» сылнымут альманах, йочасадыш коштшо да изирак класслаште тунемше-влаклан учебно-методический пособий ден хрестоматий-влак. Василий Васильевичын возымо мутшылан шуко муро возалтын. Нунын коклаште «Роза-Розмари», «Коктын» да моло палыме муро-влак.

В.Крылов марий тӱняште тале журналист семынат палыме. Тудо ятыр ий «Ямде лий!» йоча газетым вуйлатен.

Тиде талантан айдемын творчествыж дене палыме лийнеда гын, мемнан книга выставкынам ончалаш пагален ӱжына.

Тендам алал кумылын книгагудышто вучена! 

Поделиться в соц. сетях

0