Шукерте огыл книгагудышто сымыктыш шагат эртен. Тушко 9-ше номеран школысо 8 классыште тунемше-влак толыныт. Нуно сӱретче Исаак Левитанын кӱчык да тыглай огыл творческий пӱрымашыж дене палыме лийыныт. Тудын илышыштыже куанже шагал лийын. Вашлиймашын унаже-влак сӱретчын шинчалан перныдыме пейзажше-влакын моторлыкышт дене палыме лийыныт. Могайым ужын да шижын Левитан…   Кунам пейзаж нерген ойлат, эн ондак тиде еҥын лӱмжым шарналтат. Исаак Левитан — руш пӱртӱсым чоным почын мурышо кокла гыч иктыже. Тудо нигӧ деч сай шижын да умылен: теве ужаргыше «Куэр», лышташым велыше «Шӧртньӧ шыже», лумым шулыктышо «Март» да ятыр моло радынаже сӱретчын кӧргӧ шонымашыжым, чон шижмашыжым почын пуат. Арамлан огыл йолташыже-влак И.Левитаным «пейзаж кумылан мастар» маныныт.

---