11 декабрьыште книгагудышто «Мемнан деке У ий тӱкала!» сылнымут пайрем эртен. Тудо тӱрлӧ эллаште У ийым вашлийме традиций-влаклан пӧлеклалтын. Мландӱмбалне илыше чыла калык ийлан ик гана йомак шӱлышан пайремын толмыжым вуча. У ийын ю толкынжо теҥыз ден тептеҥызла гоч, эл-влакын чекышт гоч эртен, вучымо уна семын кажне пӧртыш пура, сӧрастарыме кож йыр пӧрдеш. Тиде пайремыште изи йочанат, кугыеҥынат пайрем кумылжо нимучашдымын раш почылтеш.

Йоча-влак Английыште, Францийыште, Италийыште, Мексикыште, Японийыште да моло эллаштат У ий пайремым кузе вашлийме нерген пален налыныт. Мероприятий мучаште нуно весела у ий викториныште участвоватленыт.

---