«Мастар-влакын ярмиҥгашт» лӱман книгагудо студий сылнылыкым йӧратыше-влакым угыч поген. Шкемым сӱретче семын ужаш да теҥыз кӱм сӱретлаш кумылан-влак шукын ыльыч.
Йоча-влак, шканышт келшыше кӱ-влакым ойырен налын, тушко мотор изи пырысым, хамелеоным, лывым, эсогыл изи монстрым уло кумылын сӱретленыт.Акрил чия дене сӱретлымаш икшыве-влакым моткоч кумылаҥден. Мастар классын участникышт-влак оҥай опыт дене палыме лийыныт да пеленышт шке ыштыме пашаштым наҥгаеныт.

Ончылно эше ятыр мастар класс-влак лийыт. Ӱшанена, нунат йоча-влаклан пайдалын да оҥайын эртат.

Чыла кумылан-влакым 22 октябрьыште «Карандашнице-Кукурузкым» ямдылыме мастар классыш вучена. Тудо 11 шагатлан тӱҥалеш.

 

 

 

 

 

 

---