Виртуал ончер-влак Электрон каталог Аклыммут

Книгагудышто — «Илыше классикын» арняже

Живая классика19 ноябрьыште мемнан книгагудышто «Илыше классикын» арняже тӱҥалеш. 
Кажне кечын 14.00 гыч 15.00 шагат марте ончер пӧлемыште «Илыше классике» книга выставка воктене чыла кумылан-влаклан консультацийым эртарат, а 22 ноябрьыште  14.30 шагатлан Самырык-влакын всероссийский конкурсыштын презентацийышт лиеш. Презентаций жапыште Конкурс нерген лишкырак пален налаш, фондысо книга-влак дене палыме лияш сай йӧн лектеш. Конкурсын участникше-влакым, тыгак нунын ача-аваштым, туныктышо-влакым уло кумылын толаш йодына.

Книгагудыш пагален ӱжына!


Тиде мландыште илыме шуэш!

DSC08122Марий Эл – акрет кундем, тудын поян калык йӱлаже тора курымла гыч аралалт толын. Россий Федерацийын картыштыже мемнан республикна изи верым веле айла гынат, шочмо мландына мыланна нимо деч шерге да лишыл.

Ме шке кундемнам чылан йӧратена. Но Какшанын вӱдшым, ладыра куэрым, йоча годсо кудывечым йӧраташ гына шагал. Шочмо верым йӧраташ — тугеже, тудын нерген шукырак пален налаш тыршымаш. Марий кундемын эртыме корныж ден тачысе илышыж нерген шке шинчымашыштым тергаш да тыгак ум пален налаш Йошкар-Оласе 9-ше номеран кыдалаш школын 9 классыштыже тунемше ӱдыр-рвезе-влак книгагудышкына толыныт ыле. Нунылан «Тиде мландыште илыме шуэш!» лӱман этнографический модышым эртарыме.


Руш писатель И.С.Тургеневын шочмыжлан — 200 ий

 

 

Иван Сергеевич Тургенев (1818-1883) — XIX курымын ик эн тале писательже, поэтше, кусарышыже. Тудын келыштарыме сылнымут системыже романын поэтикыжым Российыште веле огыл, тыгак вес эллаштат сайынак вашталтен. Писательын творчествыжлан кӧра  руш йылмыште  «нигилист», «тургеневская девушка» манме умылымаш-влак шочыныт. Тудын сылнымутшым моктенытат, вурсенытат, а  Тургенев шкенжын возымаштыже илыш мучкыжо тугай корным кычалын, кудыжо Российым пиаланым да пеледалтшым ышта.
Писательын юбилейже вашеш ме тыланда книгагудынан фондшо гыч И.С.Тургеневын икмыняр произведенийжым темлена. 


«Вӱдшат келге, сержат тура»

DSC077938 ноябрьыште талантан марий писатель Вениамин Михайлович Ивановлан 95 ий темын. Сылнымут корныжым тудо «Ямде лий» пионер газет гоч тӱҥалын. Вениамин Михайлович туныктышылан тунем лектын, Кугу Отечественный сарын участникше лийын. Сар деч вара республиканский газет ден журналлаште тыршен. Тудын сылнымут нумалтышыже поян лийын: почеламут, ойлымаш, повесть, пьесе, роман-влак.

В. Ивановын икымше кугу пашаже «Саскавий» ойлымаш лийын. Тиддеч посна кумдан палыме «Тӱтан» романже калык коклаште пагалымашым сулен. Тушто совет калыкын фашист ваштареш кучедалмыже сӱретлалтеш. Марий кундемыште советь власть лийме пагыт нерген «Арслан» романже каласкала. Писатель ятыр произведенийжым йоча-влаклан пӧлеклен. Тудын возымыжым пошкырт, татар, одо, венгер, эстон, чуваш йылшмылаш кусарыме.

Мастар сылнымутчын юбилейже вашеш  краеведений пӧлкаште «Вӱдшат келге, сержат тура» лӱман книга ончерым чумырымо. Марий сылнымутым пагалыше -влаклан тудо пайдале лиеш, шонена.

                                                                                                                          Книгагудыш пагален ӱжына!


Ӧрыктарыше тӱня: индеец-влакын кышашт почеш

CaOdTHki64YПриключений сынан литератур-влак коклаште индеец-шамыч нерген книга поснак кугу верым айла. Тиде калыкын тӱвыраже, илыш-йӱлаже, койыш-шоктышыжо писатель-влакым акрет годсек сымыстара. Классикыш савырныше тиде жанран книга-влакым мемнан ончерыштына ужаш сай йӧн уло. Тудо кокымшо пачашыште верланен. Ончер дене палыме лияш, ӧрыктарыше тӱняш миен толаш уло кумылын ӱжына.


«Тургым пагытын талешкыже-влак»

Герои2005-ше ий гыч Россий Калыкын икоян улмышт кечым палемда. Тиде кугыжаныш пайрем XVII курым тӱҥалтышсе исторический событийла дене чак кылдалтын.  1612 ий 4 ноябрьыште калык ополченийын сарзыже-влак Кузьма Минин да Дмитрий Пожарскийын вуйлатымышт почеш Моско олам польский интервент дечын утареныт.

Пайремын историйже, сарзын чапше да вийже, мемнан элна верчын кугешныме кумыл  да талешке-влак нерген «Тургым пагытын талешкыже-влак» лӱман книга ончерыште кӱлеш литературым муын кертыда.

                                 Книгагудыш пагален ӱжына!


«Марий вургемын поэзийже»

DSC06762Кажне калыкын тӱвыраштыже национальный вургем ик эн тӱҥ верым налын шога да вияҥ толшо кужу корныжым ончыкта. Калык вургемыште — мемнан вожна, уш-акылна, аралтыш вийна. «Марий вургемын поэзийже» этномозаике 29-ше номеран школын 7-ше классыштыже тунемше-влаклан марий калыкын поян вургемже нерген моткоч оҥай каласкален, вет вургем шке озаж нерген шуко каласкален кертеш: тудын ешыж нерген, ийготшо, пашам йӧратымыже да шуко моло нергенат. 


^
КӰШКӦ