«Комсомольская правда» савыктыш пӧрт  ООО «Моя округа» дене пырля  «Малая родина» лӱман краеведений материал-влак негызеш общероссийский конкурсым увертара. Тудын тӱҥ задачыже — самырык тукымым элнан тӱвыраж деке мелын ыштымаш.
Участник-влаклан 5000 знак деч шагал огыл шогышо материалым колташ темлалтеш. Тудо шке кундемыште илыше айдеме гоч шочмо мландын историйжым почын пуышаш. Йодмашым 2020 ий 31 август марте колтен шуктыман.
Конкурс нерген рашрак сайтыште пален налаш лиеш: https://хранителиродиныюрф/konkurs

Шергакан лудшо-влак!
Паша жап вашталтме нерген увертарена.

 1 сентябрь гыч книгагудо тыгай график почеш пашам ышташ тӱҥалеш:
Шочмо — изарня: 10.00-17.00
Кугарня, рушарня: 10.00-15.30
Шуматкече – КАНЫШ КЕЧЕ
Кажне тылзын 4-ше кече — санитар кече.

 Книгагудыш пагален ӱжына!

18 август — Руш Географический ушемын кечыже!

Мемнан Марий республикна ужар чодыраж дене, яндар ерлаж дене кугешна. Ерже  регионыштына 700 наре уло.

Таир, Кичиер, Карась, Шап, Сурок, Морской глаз… Нине ерлашке верысе калыкат, турист-влакат кумылын коштыт. Лийме шотышто нуно кум тӱшкалан шелалтыт: карстовый, междюнный, речной.

Ер-влак шке моторлыкышт да яндар вӱдышт дене мемнам куандарат. Ятырышт шке кӧргыштышт легендым ашнат.

Ме тыланда Марий Элысе ерлашке круиз дене миен толаш темлена. Ер нерген те шуко ум пален налыда, вет нунын историйыштат пеш оҥай.

Круизым  тӱҥалаш>

Ий еда, сорла тылзын кокымшо шуматкечынже, Йошкар-Олан кечыже палемдалтеш. Тиде пайрем олаште илыше да тыгак уна-влаклан ятыр куаным конда! Парк ден скверлаште, тӱвыра пӧртла ден тоштерлаште пайрем концерт, пазар, спорт ӱчашымаш, тӱрлӧ конкурс, поэзий лудмаш, мастер-класс-влак эртаралтыт.

Мемнан книгагудынат ӧрдыжеш ок код: йӧратыме олалан пӧлеклалтше «Изи ола — кугу историй» онлайн-модышым темла. Модыш-викторина форматыште участник-влак ола мучко  интерактивный экскурсийым эртат. Тудо олан историйже гыч оҥай факт-влакым палаш полша, уремла дене эртыме корным пайдалыракым ышта.

Модышыш ушнаш регистрацийым эртыман огыл, ийгот категорий — 12+.

Модышыш вончаш>

Кагаз гыч ыштыме  «Пеледше лотос» мастер-класс