Тений 12 апрельыште ме Юрий Гагаринын сандалыкыш икымше гана чоҥештымыжлан 60 ий теммым палемдена. Тиде кече вашеш Сандалык нерген шинчымашым терген кетыда. Тидланже викториным темлена.

Шерге йолташ-влак!

Ме тендам школыш коштдымо йоча-влаклан эртарыме «Сар нерген, тыныслык нерген, Сеҥымаш нерген» I-ше Межрегиональный дистанционный конкурсыш ушнаш ӱжына. Тудо мемнан книгагудышто Кугу Отечественный сарыште Сеҥымаш кече вашеш эратаралтеш. Конкурсыш Марйи Эл Республиыксе йочасадыш коштшо, тыгак Российысе вес регионла гыч улшо  4 гыч 7 ияш марте йоча-влак ушнен кертыт.

Кажне участник Конкурсыш почеламутым возыман ик видеороликым колтен кертеш. Тудо Кугу Отечественный сарлан пӧлеклалтшаш. 

Космос! У планета-шамыч,

Шӱдыр-влак — алмаз аршаш…

Ну, каласыза, кавашке

Кӧ ок шоно чоҥешташ?

Апрельыште ме кугу кумыл дене чапле пайремым — Космонавтика кечым — пелемдена, а тений тудо кугу кумдыкышто эрта. Молан? 60 ий ончыч айдеме эн первый гана совет айдеме Юрий Алексеевич Гагарин космосыш чоҥештен. Арам огыл изи лудшына-влак космос нерген лудаш йӧратат да  «Йомак пӧлемыште» книга-влакым ойырат. Шӱдыр, Сандалык, космонавт-влак нерген йоча-влакын ава-ачашт шке икшывыштлан уло кумылын лудыт.

 «Йомак пӧлемыште» «Космопанорама» ончер почылтын. Тушто тиде теме дене книга да журнал-влак улыт. Кажне кумылан йоча але кугыеҥ, книгам кидыш кучен, шӱдыран кавашке чоҥештыме нерген шонен кертеш.

«Йомак пӧлемыш» пагален ӱжына!

Республикысе В.Х.Колумб лӱмеш йоча да самырык-влаклан книгагудо тӱвыра да туныктыш тӧнеж-влакын пашаеҥыштым, краевед, шанче пашаеҥ-влакым «Колумб лудмаш» V Межрегиональный научно-практический конференцийыш пагален ӱжеш.

Вашлиймашын темыже: «Шочмо элым шижме кумыл: краеведений негызеш йоча да самырык-влакым патриотизм шӱлышеш куштымаш».

Шошо толмо дене ме мом-гынат вучена. Кӧ гын ӱшана — шошо у илышым, у йӧратымашым конда… Йӧратымаш нерген шагал огыл каласыме: поэт ден писатель-влак произведенийла гоч, сӱретче-влак радына гоч тиде шижмашым ончыктат.

Торгово-технологический колледжын тунемшышт-влак «Йӧратымаш=шошо?» мутланымашыш ушненыт, тудо йӧратымшлан пӧлеклалтын. Ӱдыр-рвезе-влак чон кумылыштым мотор шижмашлан почыныт. 

Кажне ийын 2 апрельыште Тӱнямбал йоча книга кече палемдалтеш. Тидын вашеш 1-6 класслам обслуживатлыше пӧлемыште книга ончер почылтын.
Тӱнямбал йоча книга кечым палемдымаш 1966 ийыште шочын. Тиде кече таклан огыл ойыралтын – 2 апрельыште палыме датский йомакче  Ханс Кристиан Андерсен шочын..

Пагалыме лудшына-влак! Шерге таҥ-шамыч!

 Россий Федерацийын тӱвыра нерген 36.1  статьяж почеш (утв. ВС РФ 09.10.1992 №3612-1)  2021 ийыште мемнан книгагудышто  «независимая оценка качества условий предоставления услуг» манме тергымаш лиеш. Ме тендам Анкеты о качестве условий оказания услуг ссылкыш вончен, йодышлан вашешташ йодына.

 Тыгай йодыштмаш лачак электрон йӧн дене веле лиеш, Интернетыште, Google Forms платформышто.  Тыгодым персональный компьютер, ноутбук, смартфон да планшет дене пайдаланаш лиеш. Йодыштмаш анонимно эрта: фамилийым, лӱмым, отчествым, контактный телефоным ончыкташ кӱлешлыкше уке.

Йодышлан ссылке 2021 и1й 19 апрель 22:00 шагат марте лиеш. 

Тиддеч вара йодыштмаш мучашлалтеш, вашмут-влак огыт налалт.

Ме кажне аклыше еҥлан тауштена! Полшыза мыланна сайрак лияш!

Молгунамсе семынак ме тендам книгагудышто вучена!